​Point thum hmuh kan phu- Khalid Jamil

18th January 2017, 01:01AM

I League khelh mekah Aizawl FC-in khelh thum atangin point 7 an hmu tawh a, tun dinhmunah chuan India rama football league sang berah Mizoram club el phak an la awm lo.

Season hmasa khan Aizawl FC hian I League-ah point 1 bak an hlawhchhuak zo lo a, tun season-h erawh point thum an hlawh der tawh a ni. Inkhel chungchang sawiin Mumbai FC atanga Aizawl zawmtu Khalid Jamil chuan, "Theihtawp chhuahin kan khel a, point thum hmuh hi kan phu a ni.

"Kan rilru puthmang a dik a, a eng zawnga kan thlir thiam chuan buaina tur awmin ka hre lo," tiin Lajong laka point thum hmuh an phu thu a sawi.

Aizawl FC hian khualmualah Mumbai FC an hmachhawn leh dawn a, Khalid-a team hlui jian khelh hnih atangin point 6 an hmu tawh a, Mumbai enkawl mektu Santosh Kashyap chuan season tawpa a sang panga zinga an tel ngei tur thu a sawi.

A club hlui hmachhawn tur Jamil chuan, "Mumbai-ah hian point thum hmuh tumin kan kal dawn a, kan tha tawk a ni tih kan lantir a ngai a ni. Champion sawina hun a la ni lova nimahsela zawi muangin hma kan sawn hret hret ang," tiin Mumbai laka point thum hmuh ngei an tum thu a sawi.

Copyright © inkhel.com 2024. All rights reserved.