Manchester City boss Pep Guardiola hian a player-te khelh tir dan bik a nei țhin a, player tin te'n tih tur pawimawh leh awmna hmun tur bik an nei vek thin a ni.

Pep hian a khelh duhdana khel thei lo Ronaldinho leh Deco chu Barcelona a enkawl tirh khan a hralhchhuak nghal a, thutlukna a siamsual lo tih a lantir chhunzawm bawk a ni.

City-a a luh hnuah Pep-a'n City striker țha ber Kun Aguero a khuahkhirh hleithei lo a, Aguero hi Pep-a'n awm tura a duhna hmuna a awm loh țhin avangin Gabriel Jesus lakah a hmun a chan hman a nih kha. Jesus a inhliam takah chuan Pep-a'n Aguero a chhawr leh mai a ngai dawn a, Argentine striker hi a titi pui tur thu a sawi.

"Player goal khung thei bik hi chu an chetdan leh hmunawl an zawn dan hi khuahkhirh chi a ni lo. Aguero pawh hian a inzir chhawp a ngai dawn a ni. Tawnhriat a nei țha tawk tawh a, a khelh dan hi a duh chuan a thlak thei. A team-mate dangte ka titi pui ang thoin ka titi pui dawn a, kan game khelh hmabak pahnihah hian nghawng a neih ngei ka beisei," tiin Aguero chuan a khelh țhin dan a siamrem a țul tur thu a sawi a ni.

City hian zaninah Monaco an hmachhawn dawn a, February 28 hian FA Cup-ah Hudderafield Town an hmachhawn leh nghal dawn a ni.