Infiamna (Sports)-ah hian thlengsang tur chuan zaidamna leh dawhtheihna a pawimawh em em a, mi tam takin he thil pahnih hi an neihloh vangin an thiamna phu ang an thleng lo țhin.
Chanchin țha lam aia chanchin chhe lam ngah zawk mah Joey Barton pawh hi zaidamna leh dawhtheihna nei lo zinga langsar tak pakhat a ni a, in thunun thei deuh hlek se chuan tun ai hian khawvelah a lar zawk ngei ang.
A khelhna (position) hi midfied a ni a, a thinchhiat mai bakah a kawlh hle a pa zaidam a ni lo. A khelhna apiangah buaina a siam emaw tih mai tur a ni a, a kal zau poh leh buaina a nei zau tih theih a ni.
Hetiang boruak kara tal vel hi ni mahse chanchin ngaihnawm deuh deuh a hnutchhiah thung...
1. JAMIE TANDY MITAH MEIZIALIN A NAWR: Kum 2004 December thlaa Manchester City Christmas party an neih laiin Man City youth team-a awm mek Jamie Tandy mitah meizial nungin a nawr hmiah mai bawk.
Hetah hi chuan Barton hi thiamlo hmasa a nilo, Jamie hian Barton-a kawr hak lai chu hal a tum vang a ni thung a, a cho sual chiang e! Barton hian ngaihdam dil tho mahse Man City hian a kar ruk hlawh (£60,000) an chawitir.
2. A INDUH VE TAWK : Kum 2006 January thla khan Barton hian dawrtu a nei nual a, Man City-in contract thar pek an tum pawh a hnar. A chhuak dawn emaw tih tawh hnuah kum li daih Man City tan ziah a thlan thu a sawi leh si.
3. EVERTON FANS LAMAH A MAWNG A HLIM: Kum 2006 September ni 30-a Everton leh Man City inhmachhawn țumin Barton hian huntawp hma deuhin Everton an draw-na goal Man City tan a khung a, a goal lawm (celebrate)-na ah Everton fans hnungchhawnin ti lui tih palh deuh siin a mawng a hlim zauh pek Everton fans an lungawi lo hle.
Merseyside Police-te chuan hei hi chhui zuiin thiamloh erawh an chantir lo a, FA lamin an hrem thung a £2,000 an chawitir.
4. A KHEL RUM THEI HLE: Kum 2007 October ni 27 khan Newcastle United leh Sunderland-in Tyne-Wear derby an khelh țumin Sunderland player Dickson Etuhu lakah hlauhawm takin a ke a lek a, vanduai chu nise Etuhu hi a hliam na viau ang. Mahse match referee Martin Atkinson chuan a hrem lo.
Match referee-in a hmuhlph miau avangin FA chuan an hrem zui lova Barton hian ngaihdam a dil tho. He thil thleng vang hian Barton hi hrem turin FA an phut nasa hlawm hle.
5. KARL HENRY NEN AN IN MIL LO: QPR-a a luh hnu kum 2011 September ni 17 khan QPR tana a goal hmasa ber chu Wolverhampton Wanderers nen an inkhelh țumin a thun a, QPR team captain ani nghe nghe.
He inkhelah hian Wolves player Karl Henry nen an in tibuai a. Henry hian Barton-a chetdan chu 'Atthlak tak' tiin a sawi a, Barton-a'n Henry chu 'Mi tihnat pawisa lo.' tiin a sawi ve thung.
6. BRADLEY JOHNSON A TAUH THLU: Kum 2012 January ni 2 khan QPR leh Norwich inkhelh țumin Barton hian goal hmahruai a khung a, mahse hemi hnu hian Norwich player Bradley Johnson chu a lu in a tauh luih avangin hnawh chhuah a ni.
He inkhelhah hian QPR chu 2-1 in an chaklo zui a fans lamin Barton hi an dem hle.
7. RANGERS-AH BEISEI A PHA LO: 2015-2016 season khan tha takin Burnley tan Championship-ah a khel a, Burnley hi Premier League khel turin a kaisanpui bakah Championship PFA Team of the Year-ah a tel pha a Burnley Player of the Year-ah thlan a ni bawk.
Season a zawh hnuin a contract a tawp zui a Burnley hian kawlzui duh viau mahse Barton hian a duh lo. Premier League thenkhat nen sawizawm an nih mek laiin kum 2016 May thla khan Rangers a zawm a Scottish club tan hian kum 2018 thleng daih tur contract a ziak.
Beiseina sang tak nen Rangers hian lalut hmase an beiseina hi an lakluh ațanga kum khat em pawh a liam hmain tih tawp a ni a, Barton hi an manager Mark Warburton nen kum 2016 September thla khan training-naah an in hnial buai a, Celtic an hnehloh ?umin an team zinga mi Andy Halliday hnenah ?awngkam mawi lo a hmang bawk.
An buaina vang hian Barton hi kar sarih chhung Rangers hian an chawlh tir a, kum 2016 November ni 2 khan a kir leh a Rangers hian an Academy-ah awm tirin a training.
A ngheh theih tawhloh vangin kum 2016 November ni 8 khan an inbiak rem hnuin Barton hian Ranger hi a chhuahsan ta nge nge a, a club hlui Burnley-ah a kir.
8. BORO A HMUHSIT HLE: Championship-a Burnley a champion pui season (2015-2016) hian Middlesbrough-in pahnihna dinhmun an hauh a, Boro hian 1-1 a Brighton an inhnehtawkpui hnuin Premier League-a an kaisan theihna tur an ti chiang a an player-te'n trophy lian vak lo kengin an khelmual Riverside an fang.
Hetia Boro player-te champion ve ang mai a an khawsa hi Barton-a'n a ngainep lehpek hle a, pahnihna ni ve ta se Middlesbrough player-te ang em em hian a khawsa ve dawn lo tih țawngkam thlahdah takin a sawi.
9. STERLING PAWH A DIM LO: Euro 2016-ah khan England-in group stage an paltlang zo lo va, Iceland an hnehloh hnuin an tla a beisei an phak lo hle.
Kha inkhelah khan Engalnd manager Roy Hodgson chuan Liverpool winger Adam Lallana aiah Raheem Sterling a luh tir a Manchester City forward hian beisei a pha lo tluan zak.
City forward hian Tottenham striker Harry Kane a pui ?ha lo hle a Barton hian Sterling hi France, Germany, Belgium emaw Spain-te'n ko thei ta se an koh duh a ring lo.
French newspaper L’Equipe-a thu a ziah Barton hian na takin Sterling hi a kap. A thu ziah chuan heti hian a sawi a, "Sterling hi kum hnih chhung chu a nawi khawp mai. Tha taka enkawl a nilo hi a vanduaithlak."
"A ran (pace)-na hi la bo ta ila engmah a ni lo ang, thiamna chin nei a ni. A ball pet hian awmzia a nei lo va a chakloh chuan engmah a ni thei dawn lo."
"Khatiang season a neih hnua ram tan koh a ni kha mak ka ti hle a, France, Germany, Belgium emaw Spain chuan an ko duh kher lo ang. Chhe taka sawi ka duh hran lo a chhan chu ala naupang."
"Guardiola hian hrual ta se chuan kar thum chhungin a hrechiang mai ang a, a țhat tawk loh vangin team-ah a dah tel lo hial ang a, a nih loh pawhin a ti hmasawn thung ang."
A TAWP TA!
* Sawi tur a tam, ziah tur a tam. Chanchin a ngah, ei lotu a ngah, duhtu a ngah. Hemi chinah hian duhtawk tawh mai ang. Part 1 chhiar duh tan - Part 1: Mi maksak Joey Barton