Weight hrang hrang pariata World champion ni thei Manny Pacquiao chuan Boxing a chawlhsan hnuin ring pawnlamah hlawhtlinna a nei chho zel a, Philippines Army-ah rahbi thar kaiin Colonel-ah a kaisang.

Kum 38 mi hian Reserve Force-ah telin Lieutenant Colonel nihna a chelh deuh reng a, a kaisan thu hi Instagram-ah a tarlang.

Pacquiao hian Philippines sawrkarah Senator nihna a chelh mek bawk a, boxing pawh khel zelin July thla khan Jeff Horn laka WBO world welterweight title a hloh.

Boxing leh politics luhchilh mahse Pacquiao hian kum 2006 khan Philippines Army a zawm a, nakkum lam hian ring chhungah kir leh a rilruk niin sawi a awm a UFC star Conor McGregor pawh hmachhawn a hreh lo niin an sawi.