Hall of Famer Oscar Robertson chu chawimawina sang an hlan dawn a, June 25 khian Lifetime Achievement Award an hlan ang.

Oscar Robertson hi NBA player zingah chuan season khat chhunga average 1 nei thei hmasa ber a ni a, triple-double 181 ngawt neiin tluk thei an la awm lo a, 1961 khan NBA Rookie of the Year a ni.

1964 ah Most Valuable Player a ni a, Milwaukee chu 1971 khan a champion pui bawk a. All-NBA first team-ah vawi 9 ngawt Milwaukee Bucks guard hi an thlang tawh a, NBA player ropui zual 50 thlan chuah zingah pawh a tel pha a ni.

1960 khan US basketball team captain a ni a, Olympic gold medal a lakpui a, Crispus Attucks High School chu a zawnin Indiana State Championship title a lakpui bawk a. America rama African-American team zingah chuan state title la thei hmasa ber an ni.

Robertson hi 1965-1975 chhung khan National Basketball Players Association president a ni a, NBA lakah thubuai a thehlut a, Oscar Robertson Rule chu rawn piangin, hemi avang hian NBA khawvelah free agency a awm tan theih phah a ni.

Nikum khan he chawimawina hi Bill Russell chuan a dawng a. Kuminah chuan June 25 hian NBA Awards hi Santa Monica, California-ah an sem dawn a, NBA MVP leh mimal chawimawina chi hrang hrang an sem ang.