Olympic weightlifter Edwin Mosquera Roa chu Inrinni khan Colombia-a Palmira khuaah silaia kah niin a boral.

Kum 32 mi hi 2016 Rio Olympics-ah khan telin 69kg-ah pasarihna a ni a, Colombia Olympic Committee chuan tunhnaia weightlifter an neih zingah Mosquera hi hmasawn ber pawl niin an sawi a an ui hle tih an tarlang bawk.

Mosquera hi a lu leh khupah kah a ni a, Colombia sawrkar chuan tualthattu chungchang hriat nei hnenah £2,500 vel pek an inhuam tih an tarlang tawh.

Mosquera hian kum 2008 leh 2010 khan Pan American Championship-ah goal medal a dawng a, sipai-ah tang thinin Palmira-a awm Battalion of Engineers Agustin Codazzi-ah kum 14 chhung a awm tawh țhin a ni.