Manchester United Dutch coach Louis Van Gaal chuan Premier League hmahruai mektu Leicester City chu Old Trafford a champion nomawi chawi tir an tum loh thu a sawi. Leicester City hian Old Trafford -ah United an hneh a nih chuan Premier League champion anni tawh dawn a ni.
Manchester United hi table-ah pangana anni mek a, point ngain Manchester City leh Arsenal pha lo mahse game khatin an khel tlem thung. City leh Arsenal anla inkhelh dawn avangin United hian season thara Champions League khelh an duh a nih chuan Leicester City an hneh ngei ngei a ngai.
Van Gaal chuan hemi chungchang hi sawiin, "Kan inthlauhna hi kan tihzim ve zel a ngaia, kan chungah pressure ala awm reng a ni. Kan game khelh tur hmabak hi kan chak vek tawh a ngai. City leh Arsenal hi anla inkhel dawn avangin point anla paih dawn a ni," tiin United tan season thara Champions League khelh beiseina ala tawp loh thu a sawi.
United boss hian tun pathianni lo awm tura an mikhual tur Foxes chungchang pawh sawizawmin, "Leicester hi ka hneh ngei ngei a ngai, a chhan chu pakhatna nih tuma in um vek kan ni. Old Trafford-ah kan champion tir tur a ni lo.
" Kan inkhelh zawhah an champion tho ka ring. An champion-na tur kan titawp dawn a ni lo a, ka tikhawtlai mai zawk a ni. Premier League leh football tan pawh team ngai reng an champion loh hi a tha a ni." tiin Leicester City chu OLd Trafford-ah champion tir lo mahse an champion tho a ring a ni.