​N’Zonzi chhuak dawn?

14th August 2018, 02:08PM

Sevilla midfielder Steven N’Zonzi chu a chhuak dawn ta nge nge in a langa, Serie A lam a pan dawn niin a lang.

Media-te sawi danin AS Roma chuan ft 6’ 6in laia sang French midfielder hi an lalut fel tepa, official-a puan thuai a nih pawh a rinawm.

N’Zonzi hi Arsenal leh Barcelona-te pawhin lak an tum nia sawi a ni a, Rome khawpuiah a inpu lut dawn ta zawk a ni.

Premier League lamah Stoke City tante pawh lo khel reng tawh thin N’Zonzi hi a Sevilla-ah hian a khel tha thei hle a, France World Cup squad-ah pawh Didier Deschamps-a’n a ko ve nghe nghe.

Italian chanchinbumi lar tak Alessandro Austini tarlan danin kum 29 mi hi euro maktaduai 30 man a ni dawn a,  Roma-ah kum li daih contract a ziak dawn a ni.

Kum 2015 khan Sevilla chuan Stoke City atangin pound maktaduai 7 sengin N’Zonzi hi an laluta, kum li daih contract ziakin, a contract-ah hian euro maktaduai 30 release-clause dah tel a ni.

Sevilla tan Europa League title pakhat bakah France tan World Cup nomawi a chawi tawh a ni.

Copyright © inkhel.com 2024. All rights reserved.