13 Nov 2017 11:51

Inkhel

Mizo Sports Website hmasa ber

​North London Derby ham tur Mike Dean Arsenal fans-in an lawm lo

Tunkar tawp inrinni tlaiah Tottenham chuan Emirates Stadium-ah Arsenal an tlawh dawn, North London Derby hi Premier League mai ni lo, Europe Football Derby hmuhnawm an sawi zinga pakhat a ni a, inkhel hmuhnawm tak a nih leh ngei a rinawm.

Hetih lai hian referee atan kum 49 mi Mike Dean an ruat tlat mai. Ani hi red card phawrh awlsam leh penalty ham awlsam tak a ni a, hei vang hian Arsenal fans pawh an lawm lo hle nghe nghe niin Mirror chuan a tarlang.

Mike Dean hian a hna a thawh chhung hian sawi neuh neuhna tur a tawng nual tawh. Game hmuhnawm tak tak ni thei turah card a phawrh hma thin em avanga hmuhnawm loh chhunzawm ta sawi tur a awm nawk mai. Season hmasa pawh khan referee dang aiin red card a phawrh hnem fal nalh bawk.

Tun season-ah Arsenal hian penalty vawi hnih lai an chawi tawh, an chhuah ve ve, an goalkeeper Petr Cech hian tunlai chu penalty a save hleithei lo, hei vang hian Mike Dean hi Arsenal fans tan chuan a ngainatawm loh nghal dawn tih a hriat.

Tun season-ah Tottenham hian penalty an la chawi lova, an defender Serge Aurier erawh hnawhchhuah a ni tawh a ni. Tun season Premier League game 11 khelh a ni tawh a, Arsenal hian 19 points neiin table-ah 6-na an ni mek. Tottenham erawh point 23 neiin table-ah pathumna an ni mek a ni.