Antonio Conte naute Chelsea-in Premier League-ah point 8 laiin hma an hruai fal mek a, London club hmahruai theihna kawngah Lille atanga Chelsea pantu Belgian forwars Eden Hazard a thawhhlawk hle kan ti thei ang.

Hazard hian season hmasa khan beisei a phak lo em em a, season tluanin The Blues tan hian goal 10 pawh a khung tLing lo a ni. Conte hnuaiah Haxard a parvul mek a, season kal mekah goal 10 a khung tling der tawh a ni.

"Season hmasa khan chuan tupawhin ka khel tha tawk lo tih an hre vek ang. Nimahsela ka tihsual atangin ka insiam tha a, ngai ka awh chho leh tawh a ni. Hliam nei loin season bul ka tan a, nuam ka ti khawp mai. Khelmual chhunga nuam ti taka khelh hi a pawimawh hle a ni.

Kum 26-a upa Hazard chuan, "Season chhe tak hman hnua thochhuah leh hi a har em em a, nimahsela coach-in thil thlak danglam a nei nual a, inrintawkna nasa zawk min pe a ni. Chelsea ka pan hnua ka khelh țhat lai ber niin ka hria a, ka hlim hle," tiin season dang zawng aiin Conte hnuaiah a khel țha zawk tih a sawi.