2014/15 season kha Harry Kane rawn lar tanna season a ni a, hemi hnu hi chuan English striker hi a hawikir leh tawh lo. Tottenham Hotspurs Spanish striker man to Roberto Soldado-a'n beisei a phak loh avangin Tottenham Hotspurs coach thar Mauricio Pochettino chuan Kane hi khelhna hun tha a pe zeuh zeuh a, Kane hian a huntha neih a chhawr tangkai a, season hnih a ral meuh chuan ani aia stiker tha Premier League-ah an tam lo.

Kum 23 mi Harry Kane hian 2014/15 season atang khan league goal 65 a khung tawh a, ani aia lar zawk tih ngam Barcelona forward Neymar Jr leh tunlaia boruak nei lian tak Antoine Griezmann-te pawhin Kane hi an tluk lo a ni. Spurs inngahna Kane hian Premier League season kal mekah goal 19 a khung leh der tawh a, season hmasa Premier League top-scorer hi tun season-ah pawh tluktu an la awm lo.

Europe striker tha bik zingah Kane hi chhiar tel loh ngam chi a ni tawh lo a, 2014/15 season atanga chhiara striker/forward lar Kane aia league goal khung tlem zawkte a hnuaiah hian kan tarlang e.

*Harry Kane- 65 goals

2016-17 kal mekah: 19 goals

2015/16: 25 goals

2014/15: 21 goals

*Pierre-Emerick Aubameyang – 62 league goals

2016/17 kal mekah: 21

2015/16: 25

2014/15: 16

Aubameyang che ropui thin viau mahse goal khung lamah Harry Kane a tluk lo. Aubameyang hian Borussia Dortmund a zawm hnuah goal 108 zet a khung tawh a, Bundesliga a pan hnua ani aia goal khung hnem zawk awmchhun chu Robert Lewandowski(126) chiah a ni.

*Sergio Aguero – 62 league goals

2016/17 kal mekah: 12

2015/16: 24

2014/15: 26

Mi tam takin Premier League-a striker tha ber an tih Aguero pawhin Kane aiin goal a khung tlem zawk a, Argentine striker hi hliam leh hremna avangin league game khelh loh a nei fo thung.

Antoine Griezmann – 56 league goals

2016/17 kal mekah: 12

2015/16: 22

2014/15: 22

Ballon d'Or sem zawh taka pathumna leh Euro 2016 Player of the Tournament Griezmann-a'n boruak ngah viau mahse goal khung lamah Kane a pha lo angreng hle.

Neymar – 54 league goals

2016/17 kal mekah: 8

2015/16: 24

2014/15: 22

Brazil captain Neymar pawh hi Barcelona tana khel nimahse goal khung lamah Kane a tluk pha lo. Messi leh Ronaldo chawlh hnua Ballon d'Or dawng tura mi tam tak beisei hian awlsam tak chuan Kane a lehpel bik hauh lo ang.

Diego Costa – 49 league goals

2016/17 kal mekah: 17

2015/16: 12

2014/15: 20

Chelsea striker neih that ber Costa hi Premier League-ah che tha viau mahse khawtual striker Kane a ngam lo. Season kal mekah league goal 17 a khung tawh a, Premier League top scorer ni turin Kane nen an inum chhoh viau a rinawm a ni.

Karim Benzema – 46 league goals

2016/17 kal mekah: 7

2015/16: 24

2014/15: 15

Note: Goal an khung zat hi March 10, 2017 thlenga an khung zat a ni.

Stats: Squawka.com