PSG chuan Neymar lak tumin hma an la mek, inbiakna pawh an kalpui mek nia report a ni. He transfer chungchanga thu chiang leh ngaihdan thekhat te:

Thuchiang te:

1. PSG-in release-clause £196m pek an huam.

2. Transfer fee-ah £352million lai sen a ngai dawn niin a lang, hei hi PSG chuan pek an huam.

3. PSG chuan kar khat chhungin £500,000 pek an inhuam bawk.

4. Barcelona hotuten Neymar chhuah an phal loh thu an sawi.

5. Release-clause ber pek an huam chuan transfer chungchanga thuneitu ber chu Neymar a ni ta. Barcelona hotuten tih theih em em an nei lo.

6. Amah Neymar ber a ngawi tlat rih.

Ngaihdan :

1. Kar khat chhunga £500,000 hlawh chu duhthusam a ni.

2. Football khelh chhunga khawvela player man to ber nih chu a chakawm khawp ang le.

3. Barcelona-a Messi a khelh chhung chuan tuman an lar khalh dawn lo, Ballon d'Or dawn a duh chuan Messi-a thachhang dawltu nih ai chuan club dang pan mai a chakawm ang.

4. Barcelona team leh PSG team khaikhin ta ila, player khelhpui chakawm zawngah pawh PSG player-te hi khelhpui chakawm tak tak vek an ni.

He transfer hi a thleng thei a, a thleng lo thei bawk. Report thekhatin a tarlan dan chuan Neymar pawh hian PSG pan a hnial lo. Tunah chuan a chhuak dawn nge dawn lo kan inrinsiak mek chauh a ni.

PSG hian Neymar hi an la a nih chuan a man leh hlawh zawng zawngte nen £500m chuang sum an sen a ngai dawn a, Uefa’s Financial Fair Play regulations khalh loh theih dan tur PSG hian an ngaihtuah ngei chu a ngai dawn. Tin, thuchiang ber chu, Neymar-a duhthlanna a ni tawh e.