Netherland FA-in Daley Blind-a pa a hna atangin an ban

27th March 2017, 06:03AM

Danny Blind chu World Cup qualifying khelh mekah a team-te a chakpui hleih theihloh avangin Royal Dutch Football Association chuan an ban.

Netherland hi World Cup qualifying khelh mekah Group A-ah awmin table-ah 4-naah an awm mek a ni. 

Goup A-ah hian France, Sweden, Bulgaria, Netherlands, Belarus leh Luxembourg te an awm a, khelh 5 theuh khel tawhin France-in hma an hruai mek a, Sweden-in dawtin pathumnaah Bulgaria an awm a, Natherland chu table-ah 4-na an ni a, point sarih zawng an la hmu a ni.

Netherland hian Euro 2016 an khelpha tawh lova, World Cup qualifier-a an inkhelh hmasak berah 1-1 in Sweden an draw a, an next match-ah erawh Belarus 4-1 in an hneh thung.

Netherland an thochhuak dawn niin a lang hman a, mahse an ramah France hneh loin an mualpho zui. Chumi hnuah table mawng phaha awm Luxembourg 3-1 in an hneh leh a, Inrinni zan khan Bulgaria lakah 2-0 in an tlawm zui leh a ni.

Danny Blind-a naute hian World Cup qualifying an khelh tawhah goal an la chhuah vek a, an defence a pherh hle. Inkhel panga atangin point 7 chiah an hlawh chhuak thei a, table-ah 4-na ni mekin an chungah Bulgaria(9pts), Sewden(10pts) leh France(13pts) te an awm a ni.

Netherland hian Bulgaria 2-0 a an hnehloh hnuah an manager Danny Blind an ban a, tunah hian manager neilo in an awm mek a ni. 

Netherland boss ban tak Danny Blind hi Manchester United defender Daley Blind-a pa a ni.

Copyright © inkhel.com 2024. All rights reserved.