March ni 20, Thawhtan khan Aizawl District Football Association (ADFA) leh TT Royte Group buatsaih NECS Cup 2017 Inter Village Football Tournament quarter final khelh chhunzawm leh a ni a, inkhelah vawi hnih awmin inkhel hmasa zawkah Sihphir Venghlun chuan 2-1 in Electric Veng an hneh a, inkhel hnuhnungah Chhinga Veng chuan 7-0 in Bawngkawn an sawp thung.

March ni 21, Thawhlehniah inkhel vawi hnih a awm leh ang a, chawhma dar 11:00 Am-ah Armed Veng South leh Thingsulthliah ten an khel ang a, chawhnu dar 1:00 PM-ah Ramhlun South leh Ramhlun North ten an khel dawn bawk a ni. Inkhel hmasa zawk Armed Veng South tan tute hi K.Kawla stand-ah thut tur a ni a, Thingsulthliah tan tute hi Zomuanthanga stand-ah thut tur a ni. Inkhel hnuhnung zawk Ramhlun South tan tute hi K.Kawla stand-ah thut tur a ni a, Ramhlun North tan tute hi Zomuanthanga stand-ah thu tur a ni.

Quarter final a tang hian League-a khelh a ni. Pool A : Thingsulthliah, Ramhlun North, Ramhlun South leh Armed Veng South. Pool B :  Chhinga Veng, Electric Veng, Bawngkawn leh Sihphir Venghlun.

11:00 AM Electric Veng 1-2 Sihphir Venghlun

(Vanlalhmangaiha 8') (Zoliansanga 45+2', Samuel Lalchhandama 90+2')

Inkhel hmasa zawk Sihphir Venghlun chuan 2-1 in Bawngkawn an hneh. Sihphir Venghlun tan Zoliansanga leh Samuel Lalchhandama chuan goal khat ve ve an khung a, Electric Veng tan Vanlalhmangaiha chuan goal khat a khung ve bawk. He inkhelah hian Samuel Lalchhandama Sihphir Venghlun chu Man of the match-ah thlan a ni.

Inkhel tan a ni a, Electric Veng chuan inkhel thunun zawkin minute 8-ah Vanlalhmangaiha chuan Electric Veng tan goal hmahruai khung mahse, huntawp dawn injury time-ah Sihphir Venghlun tan Zoliansanga chuan an siphurh a rul a, 1-1 in chawlh lawk an hmang.

Second half-ah team pahnih te an in nawr tawn zak zak a, goal lut hmuh tur a awm lo thung. Goal luh belh lo in 1-1 in an in hneh tawk mai dawn emaw tih hnu hun tawp dawn injury time-ah Sihphir Venghlun tan Samuel Lalchhandama chuan corner a tangin an chakna goal mawitakin a chhuih lut a, Sihphir Venghlun chuan 2-1 a hnehna changin, point 3 hlu tak hlawh chhuak ta a ni.

01:00 PM Chhinga Veng 7-0 Bawngkawn

(Rochharzela 25', 38', 73', VL Lawma 41', 68', MS Zuala 45', Lallawmzuala 90')

Inkhel hnuhnungah MPL club nei Chhinga Veng chuan 7-0 in Bawngkawn an sawp. Chhinga Veng tan Rochharzela chuan hattrick-a siam a, VL Lawma'n goal hnih khungin, MS Zuala leh Lallawmzual ten goal khat ve ve an khung bawk. Man of the match-ah Chhinga Veng Captain Rochharzela chu Man of the match-ah thlan a ni.

Inkhel pumpui thlirin Chhinga Veng chuan inkhel an thunnun thluan zak a, an fighting spirit a that bakah an fitness-a tha bawk. Bawkawn hian tlar hnung an neih that tawk loh bakah tlar hmaah Dawngtea thlawp tu tur an tha tawk lo.  Mka'n a khelh theih loh an tuar bawk a tih theih awm e. In siam thatna hun erawh an la nei thung.

March ni 21, Thawhlehni Fixtures:-

10:00 AM Armed Veng South vs Thingsulthliah

01:00 PM Ramhlun South vs Ramhlun North

(adsbygoogle = window.adsbygoogle || []).push({});