March ni 22, Nilaini khan Aizawl District Football Association (ADFA) leh TT Royte Group buatsaih NECS Cup 2017 Inter Village Football Tournament quarter final PooL B inkhelah Bawngkawn chuan 1-0 in Electric Veng an hneh a, Sihphir Venghlun leh Chhinga Veng 1-1 in an in hneh tawk.
Pool B-ah Chhinga Veng leh Sihphir Venghlun hian point 4 nei tawhin, Bawngkawn hian point 3 an nei a, Electric Veng hian point an la hmu lo thung. Khelh khat theuh hmabak an la nei a, March ni 24, Zirtawpah Chhinga Veng hian Electric Veng an hma chhawn ang a, an chak chuan semifinal an lut ang. Bawngkawn leh Sihphir Venghlun an in hmachhawn thung ang a, a chak zawk zawk hian semifinal an lut ve bawk dawn a ni.
March ni 23, Ninganiah Pool A inkhel vawi hnih a awm leh ang a, chawhma dar 11:00 Am-ah Ramhlun North leh Thingsulthliah ten an khel ang a, chawhnu dar 1:00 PM-ah Arwmd Veng South leh Ramhlun South ten an khel thung ang.
Inkhel hmasa zawk Ramhlun North tan tute hi K.Kawla stand-ah thut tur a ni a, Thingsulthliah tan tute hi Zomuanthanga stand-ah thut tur a ni. Inkhel hnuhnung zawk Aremd Veng South tan tute hi K.Kawla stand-ah thut tur a ni a, Ramhlun South tan tute hi Zomuanthanga stand-ah thut tur a ni.
Quarter Final-a tang hian League-a khelh a ni a, Pool A-ah Thingsulthliah, Ramhlun North, Ramhlun South leh Armed Veng South an awm a, Pool B-ah Chhinga Veng, Electric Veng, Bawngkawn leh Sihphir Venghlun te an awm thung.
11:00 AM Bawngkawn 1-0 Electric Veng
(Immanuel Malsawmthara 83')
Inkhel hmasa zawk Bawngkawn chuan si khat faiin Electric Veng an hneh a, goal awm chhun hi second hlaf-a lut a ni a, minute 83-ah Dawngtea ball cross tha zet chu box chhunga awm midfielder Immanuel-a chuan mawi takin a khung a ni. He inkhelah hian midfielder Immanuel Malsawmthara Bawngkawn chu Man of the match-ah thlan a ni.
Quarter final an match hmasa berah Bawngkawn hian Chhinga Veng 7-0 in hneh lo mahse, vawiin an match hnihnaah Electric veng 1-0 in an hneh thung. Electric Veng hian 1-2 in Sihphir Venghlun an hneh lo a, vawiin an match hnihnaah Bawngkawn 1-0 in an hneh lo leh a, an tan semifinal luh beisei awm a ni tawh lo.
01:00 PM Sihphir Venghlun 1-1 Chhinga Veng
(Samuel Lalchhandama 84') (VL Lawma 21')
Inkhel hnuhnung zawng Sihphir Venghlun Leh Chhinga Veng te 1-1 in an in hneh tawk a, Sihphir Venghlun tan Samuel Lalchhandama chuan goal khat khungin, Chhinga Veng tan VL Lawma chuan goal khat a khung ve bawk. He inkhelah hian Rochharzela Chhinga Veng chu Man of the match-ah thlan a ni.
Inkhel tan a ni a, Chhinga Veng chuan inkhel thunun zawkin minute 21-ah Rochharzela ball cross tha zet chu box chhunga awm forward VL Lawma chuan cool takin a pet goal. Sihphir Venghlun chuan an siphurh sut tumin nawr let viau mahse, goal erawh an thun thei lo, Chhinga Veng chuan 1-0 a hmahruaiin chawlh lawk an hmang ta a ni.
Second half-ah Sihphir Venghlun in siam tha in, an siphurh sutna hun tha nei nual mahse, goal an thun mai thei lo a, Chhinga Veng pawhin goal thun belhna hun tha an hloh nual bawk. Chhinga Veng chuan 1-0 in hnehna an chang mai dawn emaw tih hnu hun tawp nan minute 6 ala awmin Sihphir Venghlun tan Lalrodawngkima ball cross chu Samuel-a chuan box-ah la lutin chiang zetin, an siphurh sutna goal a khung a, goal dang luh belh tawh lo in 1-1 in anin hneh tawk ta a ni.
Quarter final an match hmasa berah Sihphir Venghlun hian 2-1 in Electric Veng an hneh a, vawiin an match hnihnaah Chhinga Veng 1-1 in an draw thung. Chhinga Veng hian Bawngkawn 7-0 in hneh mahse, vawiin an match hnihnaah Sihphir Venghlun 1-1 in an draw thung.
March ni 23, Ningani Fixtures:
11:00 AM Ramhlun North vs Thingsulthliah
01:00 PM Armed Veng South vs Ramhlun South
(adsbygoogle = window.adsbygoogle || []).push({});