Aizawl District Football Association (ADFA) buatsaih NECS Cup quarterfinal chu march 15, Thawhlehni khan khelh zawh a ni a, Vaivakawn leh Bethlehem Vengthlang te chuan semifinal an lut ve leh ta a ni. Anni pahnih hi semi final-ah an inhmachhawn dawn a, March 18, Zirtawpni dar 2:00 PM-ah semifinal an khel ang.
Armed Veng leh Venghlui ten semifinal an lut tawh a, Semifinal inkhel hmasa zawk hi March ni 17, Ninganiah Vaivakawn leh Bethlehem Vengthlang ten an khel ang a, a chak zawk zawk hian Vaivakawn leh Bethlehem Vengthlang inkhel a chak zawk zawk final-ah an hmachhawn ang.
Vaivakawn 3 - 3 Ramhlun South
(Moody Lalawmpuia 4', Laldampuia 17', 90')(Lalawmpuia 21', 68', 77')
(Vaivakawn Win 3 - 2 Penalty shootout)
Inkhel hmasa zawkah Ramhlun South leh Vaivakawn te inkhelin, hun pangngaiah 3-3 a in hneh tawkin, penalty shootout-ah Vaivakawn 3-2 in an vannei ta a ni. Ramhlun South tan Lalawmpuia chuan hattrick a siam a, Vaivakawn tan Laldampuia'n goal hnih khungin, Lalawmpuia'n goal khat a khung ve bawk.
Inkhelh tan atanga minute 4 a ral hmain, vaivakawn tan Moody Lalawmpuia chuan goal hmahruai khungin, minute 17-ah Laldampuia chuan an goal hnihna a thun. Ramhlun South tan minute 21-ah Lalawmpuia chuan goal khung ve bawk mahse, Vaivakawn hian first half-ah 2-1 in hma an hruai.
Second half-ah Ramhlun South rawn insiam thain, minute 68-ah Lalawmpuia chuan an siphur sutna goal a thun lehin, Minute 77-ah an goal thumna a thun leh bawk. Ramhlun South hian 3-2 in hma hruai ta zawk a, chak zawk tura rin an nih hnuah Vaivakawn hian freekick an hlawh chhuah chu Laldampuia chuan petin, an siphur sutna goal chu mawi tak a khung a, 3-3 in an in hneh tawk ta a ni. Penalty shootout in chak zawk zawn a nih hnuah Vaivakawn 3-2 in an chak a, semifinal an in hlangkai ta a ni.
Chhinga Veng 1 - 2 Bethlehem Vengthlang
(Vanlallawma 48') (Lalmawizuala 26', Laldingngheta 81')
Inkhel hnuhnung zawkah Bethlehem Vengthlang chuan 2-1 in chhinga Veng hnehin semifinal an lut a. Bethlehem Vengthlang tan Lalmawizuala leh Laldingngheta ten goal khat ve ve khungin, Chhinga Veng tan Vanlallawma'n goal khat a khung ve bawk.
Bethlehem Vengthlang hian inkhel bul an tan tha zawk a, minute 26-ah Lalmawizuala chuan goal hmahruai a thun a, first half hun tawp dawn minute 48-ah Chhinga Veng tan Vanlallawma'n an siphur sutna goal thun ve bawkin 1-1 in chawlh lawk an hmang.
Second half-ah goal a lut lawk lo, huntawp dawn minute 81-ah Laldingngheta chuan Bethlehem Vengthlang chak na goal a thun ta a ni.
Semifinal Final Fixture:-
March 17, Ningani AR Lammual Semifinal Fixtures:
02:00 PM Armed Veng Vs Venghlui
March 18, Zirtawpni AR Lammual Semifinal Fixtures:
02:00 PM Vaivakawn Vs Bethlehem Vengthlang