​NECS CUP 2016 Round of 16 draw neih a ni ta.

09th March 2016, 03:03AM

March ni 8, 2016 (Thawhlehni) zan khan Ignite Studio-ah NECS CUP 2016 Round of 16 draw neih a ni a, Round of 16 hi March ni 10, 2016 atanga khelh tan tur a ni.

Inkhel hmuhnawm tak tak kan en dawn chiang a, March ni 11, 2016 (Zirtawpni) chawhma dar 10-a Keifang leh Venghlui inhmachhawn tur hi a hmuhnawm khawp dawn e. Keifang hi Football uarna khua a ni a, tournament lian tak tak an lo buatsaih tawh thin. Venghlui pawh hi YMA leh Veng inelnaah an chhe ngai lo bawk.

Mission Vengthlang hi langsar em em lovin an that ngai hian an tha reng a, Vaivakawn an hmachhawn dawn, anni match pawh hi fixture nghahhlelhawm tak an ni, Vaivakawn hi field nei veng an ni a, an chhe ngai lo bawk a ni.

Bethlehem Vengthlang leh Salem Veng inhmachhawn tur pawh hi a hmuhnawm a rinawm hle, Bethlehem Vengthlang hi MPL Club nei an nih bakah player tha tak tak kawl an ni bawk a, Salem Veng pawh hi field nei veng an nih avangin veng leh veng inelnaah huphurhawm an ni deuh ziah bawk a ni.

Round of 16 Fixtures kimchang hetiang hian :

10.3.2016 (Ningani)

10:00 AM Khatla vs Chanmari West

02:00 PM Armed Veng vs Model veng

12:00 PM Armed Veng South vs Bethlehem


11.3.2016 (Zirtawpni)

10:00 AM Keifang vs Venghlui

12:00 PM Chhinga Veng vs Durtlang Leitan

02:00 PM Bethlehem Vengthlang vs Salem Veng


12.3.2016 (Inrinni)

12:00 PM Mission Vengthlang vs Vaivakawn'

02:00 PM Ramhlun South vs Chite Veng

Copyright © inkhel.com 2024. All rights reserved.