Roma midfielder Radja Nainggolan hi tunlai midfielder khawng ber pawl a ni a, Belgian midfielder hi tlarhnung puitu tha tak a nih rualin goal khung thei tak a ni bawk. Antonio Conte player awh em em hian Roma chhuahsan a tum loh thu sawi tawh mahse Roma tana a khelhpui Kostas Manolas chuan Nainggolan hian club thaa khelh a duh chuan Roma a chhuahsan a ngaih thu a sawi.
Roma tan Manolas leh Radja an tangkai hle
Season kal meka Roma tana goal 12 khung tawh Nainggolan chungchang sawiin Manolas chuan, "Nainggolan hian ruah a ngaina lo tih ka hria, nimahsela khawvela midfielder tha ber pawl a ni. Team tha ber bera khelh a duh a nih chuan hetiang hi chu a paltlang a ngai ang. A ti thei tih ka hria, a chhan chu player danglam bik a ni. Dik taka sawi chuan Roma hi Barcelona, Bayern Munich leh Real Madrid-te ang team lian chu an ni lo alawm," tiin Rome khawpui nuam ti tak Nainggolan chu England pan ngam turin a rawn.
Manolas thusawi hi Roma legend Totti tan hriat a nuam lem lo hle ang
Olympiacos atanga Roma zawmtu Manolas pawh hi Roma chhuahsan tur anga sawi a ni fo a: Liverpool, Chelsea, Manchester City leh Arsenal nen sawizawm a ni nasa hle a nih kha. Kum 25-a upa Manolas chuan, "Ka hmalam hi chu Roma kutah a awm, min duh a nih chuan an tih tur an hria. Min hralh an duh a nih chuan tih theih ka nei lo thung," tiin.