Mizoram Volleyball Association (MVA) Invitation Tournament ni hnih na chu Tuikual Indoor Stadium-ah October 14, 2015 (Nilaini) khan khelh chhunzawm a ni a. Inkhel hmasa ber hmeichhia inkhelah Mizoram Police chuan champion lai Power department 3-2 sets (25-17, 25-15, 17-25, 17-25, 15-10) a hnehin final an lut a. Power SC leh Electric Veng VC chak zawk zawk nen, October 17, Inrinniah final an khel ang, Mizoram police spiker Lalmuanpuii chu man of the match atana thlan a ni.
Match hnihna mipa inkhelah 3rd battallion MAP in harsatna nei lovin Young united 3-0 sets (25-18, 25-16, 25-11) in an hneh a. Police spiker Lalruatfela Sailo chu man of the match a thlan a ni a. Police hian semi final an lut ta a ni.
inkhel hnuhnung berah Hunthar volleyball club in 3-0 sets(25-22, 25-21, 25-20) in BSF an hneh a. Decidng seta TNT an hneh loh hnuah in siam thain semi final an lut. Srinivas KR BSF spiker chu man of the match atana thlan a ni.
October 15, Ningani inkhel tur thlir lawk na:
MVA invitation pool match hnuhnung ber khelh a ni dawna, match hmasa berah hmeichhe team an in lan ang a. Champion lai Power deptt sc leh electric vc te an inkhel ang. Team pahnih te hi Mizoram Police sc hmaah deciding set ah an tlawm ve ve tawha. a chak zawk zawk hian final an lut dawn a ni.
Inkhel tum hnihnaah BSF leh TNT an inkhel dawna. TNT hian an game hmasa ah Hunthar Volleyball club 3-2 sets a lo hneh tawhin point 2 an hmu a. semi final thleng turin chak a tawk. BSF tan semi final lut turin chak ringawt a tawk lova point 3 hmuh ngei ngei an mamawh avangin chak mahse deciiding set khelh a thiang dawn lova. 3-0 emaw 3-1 sets tala an chak a ngai dawn a ni.
Inkhel hnuhnung berah pool B atang semi final luh in chuh ARC leh Young star united an inkhel dawna. ARC hian deciding set ah 3rd battallion laka tlawmin point 1 an hmu tawha. Young star united hian point an la hmu lo thung. A chak zawk hian semi final an lut dawn a ni.
Pic:- MVA