Awmvel (shingles) vanga rei vaklo a damloh hnuin Andy Murray chuan a dam tha tawh tih lan tir nan Dubai Tennis Championships a khel thei dawn.

British world number one hian Australian Open fourth round-a Mischa Zverev a hnehloh hnu khan intihsiakna a khel leh tawh lo va, natna in a tlakbuak zui.

Kum 29 mi Murray chuan, "Ka dam țha tawh e. Tunhnai kar hnih chhung khan ka training thei a. Australia ațanga ka let hnu khan kar hnih chhung ka khua a sik."

"Dam țha in ka in hre tawh a Dubai Tennis Championships khel tur pawh hian ka inpeih. Awmvel ka nei a hrehawm lutuk chu a ni lo." tiin a sawi.

Dubai Tennis Championships-ah hian kumin Australian Open-a champion Roger Federer pawh a tel dawn a, Swiss star hian Australian Open title a lak hnu khan intihsiakna a khel leh tawh bik lo.

Murray hian first round-ah Tunisian world number 47 Malek Jaziri a hmachhawn dawn a, Federer hian French world number 41 Benoit Paire a hmachhawn thung ang.

US Open-a champion lai Stanislas Wawrinka pawhin Dubai Tennis Championships hi a khel dawn a, first round-ah Damir Dzumhur a hmachhawn ve dawn bawk a ni.

* Pic: Getty