November ni 3-6, 2017 khan Muaythai National Championship chu Shillong-ah khelh a ni a, State leh UT 18 an tel. He event hi International Federation of Muaythai Amateur (IFMA)-in a support-na hnuaia huaihawt a ni a, amateur tournament bakah pro-amateur championship, belt inchuhna a awm.
Mizoram Muaythai team chu National technical director Tv. Samuel Lalrozama Hmar, Dawrpui chuan a telpui a, Mizoram team kal zawng zawngin medal an la vek a ni. Shillong Mizo ten a hmunah enin an support tha hle. Team champion chu Meghalaya niin Mizoram chu overall-ah pathumna a ni. Male best fighter-ah Ngursaimawia Sailo thlan a ni bawk.
Closing ceremony-ah Dr Celestine Lyngdoh, PHED Minister chu Chief guest a ni a; Chief Minister Mukul Sangma chuan phone-in organizer leh National President te duhsakna leh lawmpuina thu a hrilh bawk.
Mizoram team te dinhmun:
Sub Junior
Ginkhohao Haokip, Tuikual - Gold
Ian Lalremruata, Dawrpui - Gold
Lalmuanawma, Dawrpui - Gold
Junior
Rovulluaia, Dawrpui Vengthar - Gold
Zomuanpuia, Tuithiang - Gold
PC Lalrinzuala, Tuikual S - Gold
K.Lalrinhlua, Bungkawn - Silver
Senior
Andrew Lalnunmawia, Zonuam - Gold
JH Vanlalhruaia, Vairengte - Bronze
Vanlalhruaia, Dawrpui Vengthar - Bronze
Ngursaimawia, Luangmual - Gold & title belt
Ngurlianzuala Sailo, 3rd MAP, Lily veng - Gold
Lalhlimpuia, Zonuam,MRP - Gold & Pro-Am Silver
Lalhriathlua,Chhiahtlang - Bronze
Mizoram representative Pu Lalmuanpuia Hmar chuan, “Muaythai India - Mizoram Hmingin kan hlawhtlinnanaah lawmthu ka sawi a ni, kan hotute- Mr. Samuel leh technical body-a thawhpuite inpekna leh thawhrimna vanga hetiang dinhmun ropui tak thleng thei hi kan ni a; chumi piah lamah kan player-te inpekna leh taihmakna vang a ni.
"Tun dinhmunah hian Muaythai Association-in buaina chhete kan neih lai a nih vangin mahni suma kal ngai a ni chung pawha mi 14 ngawt kan la kal thei hi nu leh pate leh kan pawl hruaitute phurpuina nasa tak kan hmuh vang a ni a, kan lawm em em a ni.
"Shillong lama kan Mizopuite min tawiawmna leh min buaipuinaah lawmthu sawisen loh kan ba bawk. Mizo mipuiten, keini infiammite hi min support zel tur leh kan game min hlutsak zel turin kan sawmin kan ngen tak zet che u a ni," tiin a sawi.