​MSL qualifying atanga Minikins disqualified chungchanga MBBA thuchhuak

17th February 2017, 08:02PM

Mizoram Super League season 4 qualifying atangin Champhai Minikins chu disqualified an ni a, chumi hnuah thuneitute chuan an khelh theih dan ngaihtuah sak lehin, a tir atanga khel tha leh vek tura tih an ni.  Chumi thutlukna chu duh lovin Minikins chu MSL qualifying atangin an inhnukdawk, Press Release an siam nghal a. Hemi chungchang hi Mizoram Basketball Association leh MSL Board te chuan hetiang hian thuchhuah siamin an sawifiah.

MINIKINS Basketball Club-ten Mizoram Super League(MSL) Qualifying Tournament ațanga disqualify-annih chungchangah Mizoram Basketball Association (MBBA) tihminghliau thei tur zawngin thuchhuah an siam tih kan hmuhin MBBA Technical Committee-chuan pawi ati takzet a, hetiang anih takah chuan hemi chungchanga thudik tak chu chiang zawka mipui ten an hriat țhaa a hriat avangin Champhai Minikins an hrem chhan leh a kaihhnawih dangte chu ahnuai ami ang hi a ni e :

1. MBBA Technical Committee chuan Ni 06.02.2017 khan CDBBA hruaitute hnenah Ni 08.02.2017 Dar 4:00pm a Minikins Team Check hun atana Document ken ngai leh țul dang te a hriattir a.Technical Committee in Document keng tura hriattirna a pek chhan chu MSL Qualifying țan anih hmain dan lo anga District Player țha thlankhawm,Team angin an rawn kal palh ang tih venthawn thilah a ni. MSL 4 Qualifying khel turte chu MSL Board-in District player thlankhawm Team kan tih te ni lovin District tin a Tournament Champion Team-te leh Aizawl Division-I Champion leh Runners up te MSL Qualifying khelh a phalsak chauh vang a ni.

2. Ni 08.02.2017-a Champhai Minikins Checking neihah hian Minikins a an Player pawimawh tak pakhat chuan Minikins lamin Minikins ang ngawta an zuam loh thu leh CDBBA ah Special Transfer an dil thu leh CDBBA Executive Committee pawhin hemi chungchang hi rela an phalsak na ang thlap a Special Transfer hawng a inla khawm annih thu a sawi a.Mi 19 ziak lutin, Player pahnih anlo kal ve theih loh thu leh Mi 17 lo kal zingah hian Minikins Player Original 7 (pasarih)te chiah Squad-ah an tel thu a sawi bawk.MBBA Technical Committee chuan Special Transfer chungchang hi chu District thuneihna alawm tiin Mid-Season Transfer hnuah lehzel Special Transfer District-in a huaihawt/phalsak ang a an sawi pawh chu a pawm sak ta zel a. Amaherawhchu,Special Transfer hi District in an hawnsak ngei ani tih Proof na Document erawh hemi ni vek hian a phut lét thung ani.

MBBA Vice President kaltlangin document te hi dil nawn anni a, Dt. 09.02.2017 khan District Special Transfer sawina lai te chauh dawn anih avangin a dik ngei em tih proof turin Minute-bu a an record dan pumpui Screenshot/original/scanned copy a dil leh a, Last date of Submission ah 10.02.2017 chhun dar 12:00 rik hma a ruatsak leh ani.Hemi hun tiam chhung hian Document dil ang te hi Minikins hian an thehlut hmanlo.

3. Ni 09.02.2017 zana Republic VR4 nen an inkhelh hnuah,heng a hnuaia tarlante avang hian MBBA Technical Committee Meeting koh ani:

a) A hma a Technical Committee in a lo Demand tawh District in Special Transfer a phalsak ngei em tih finfiahna minute-bu Screenshot/scanned copy ennawn a ngaih vangin.

b) MSL Qualifying-a an khelhpui Club, Republic Vr4 Captain-in Fiba Rules Section C – ‘Protest Procedure’ behchhan thlapa, dan in a phalsak anga "Captain's Signature incase of protest" tihna hming a Sign vang leh Match Commissioner hnena Complaint ziaka(written) an thehluh nghal vangin.

c) DVSC leh Republic Vr4 in Joint Complaint Letter an thehluh vangin.

MBBA Technical Committee țhukhawm chuan CDBBA-in Minikins Basketball Club Special Transfer an phalsakna Meeting Minute an thehluh ah hian thil inmil theilo a hmuh tak nual avangin Forged document( Document tih danglam/ siamchawp) niin a ngai ta a. Rinhlelhna a zual zel avangin Players Transfer na Form thlengin uluk takin zir chian ani zui ta a, zirchian anih hnua a thil hmuhchhuah pawimawh zualte :

1) Players Special Transfer ah mi pakhat hming,Club Owner hrang hrang angin Player Release tu ah leh Player, Minikins Club a lo dawngsawng tu ah a țang kawp tih hmuh ani.Hetia mi pakhat, Club hrang hranga nihna leh thuneihna a nei hi, lem an chang ngeiin a ringhlel a ni.

2) MBBA Technical Committee chuan District Mid-Season Transfer piah lamah, District Special Transfer chu awm ngei se,District thuneihna a lawm ti a pawm a tum laiin Agenda a Mid-Season Transfer an khawih țum a Minute Record-ah Special Transfer a lo awm tel tih hmuh a ni lehzel avangin thil dik tawk lo a awm tih a tichiang hle a, Mid-Season Transfer khawih laia Special Transfer khawih tel anga lang hi MBBA Technical Committee Chuan a ringhlel hle ani.Rinhlelh ang ngeiin Agenda No. 3 leh 4 chu ziah belh ang takin a fiah bik ( original scan copy ah a hmuh theih) avangin Forged document ni ngei ah a ngai ani.

3) He Minute bu ah hian Committee țantirh a Chairman hming an ziah leh a tawp a Chairman, Minute bu a Sign-tu hming a in ang ta lova.Tin, Minute ziahna phek thumah hian phek 1 na leh 2 na Handwriting bakah pen tui leh Phek 3- na ( special transfer ziah lanna) a Handwriting leh pen tui hman in ang lo leh zelte avang hian thil lem ngei nia hriat ani.

CDBBA meeting minute 3rd November 2016 a Chairman Signature pe tu a an ziah hi Phone a biakpawh nghal a ni a, engmah a hriat loh thu leh hemi hun laia Champhaia a awm loh thu leh Signature-a pek loh thu a sawi. Hetiang ang a awm tih a hriatpui loh thu a sawi bawk.

Heng zawng zawng avang hian MBBA Technical Committee chuan Champhai Minikins Basketball Club chu MSL4 Qualifying Tournament ațangin a Disqualify ta a ni.

Disqualification chungchang leh a chhan leh vang te hi hun a chep tawh em avangin Phone-in Minikins Player leh CDBBA Secretary ni bawk chu hrilhhriat hmasak nghal ani a, DVSC nena Match khelh anla hmabak pawh Disqualified annih vanga a awm dawn loh thute Phone-a hrilh hmasak annih thu leh ziak a pek ngei annih tur thu pawh a hriattir a ni. Republic Vr4 leh DVSC - te pawh phone hmanga Information pek phawt annih thu leh ziaka pek annih tur thu a hrilh nghe nghe.

Thu kal zelah Social Media kaltlanga Minikins Press Release ni awm taka ngaih theihah Information hmulo leh Hawla Indoor-ah engmah hrelo a an kal thlawn ti a MBBA puh chhiat a ni hi vanduai thlak kan ti hle. Tin,Protest chungchangah pawh FIBA rules bawhchhia anga MBBA puhna hi thil diklo a ni a,Protest chungchang hi FIBA rules ang thlapin kalpui ani a, Republic VR4 Captain in a Protest na Scoresheet pawh hmuh theihin ala awm reng a ni.

A tawp berah chuan Minikins hian Champhai District Basketball Association chu thawhpui lovin, a ma tal talin Document siam chawp nen MSL Qualifying khel turin a rawn inziak lut tih hi MBBA Technical Committee hmuhdan ani.Tin,District Association Minute bu lo khawih danglam duh OB țhenkhat an awm ngei niin lehkha dawn zirchianna ațang hian a hriat a,a vanduaithlak kan tiin pawl zah lohna lian tak ah kan ngai a,a inhnamhnawih te zawng chhuaka Action la turin leh Registered Players te leh District Official ni chunga mipui hruaikawi zawnga dawt țan chhana pawl hming ti hliau tute hremna pe turin MBBA Executive Committee ah ziaka zualko na thehluh ngei nise kan ti.

( Document lo lut zawng zawng te hi MBBA Technical Committee chuan a vawng țha a, a țul dana en theihin a awm vek a. A țul ta a nih chuan semchhuah a ni ang )

Sd /-

Secretary,

Technical Committee,

Mizoram Basketball Association,

Aizawl: Mizoram


MSL BOARD THUCHHUAK

MSL-4 Qualifying khelh mekah MBBA Technical Committee-in Champhai Minikins Basketball Club a Disqualify chungchangah MSL kaihhnawiha thuneihna sang ber nei MSL Board chuan Ni 11.02.2017 khan Meeting a ko ve nghal a.

MSL Board chuan, MBBA Technical Committee in Champhai Minikins te a Disqualify nachhan hi a dik ani tih a hriatpuia amaherawhchu, Minikins te hi Disqualify an nihna chhanah Appeal na hun ni 3 chhung pek nise tiin a rel sak a ni.

Hemi ni vek hian Minikins te hnenah an Appeal theih thu hriattir nghal anni a, Minikins hruaitute pawhin "Document fel tawk loh avanga ngaihdam dilna te,District Association in Minikins te Special Transfer an phalsakna" lehkha te chu MSL Board ah an rawn thehlut nghal bawk ani.

MSL Board chuan rei rial chi nia a hriat loh avangin Ni 12.02.2017 (Pathianni zan) khan Meeting a ko lehnghal a. Darkar 5 chuang sawi ho anih hnuah MSL Board chuan, ' Champhai Minikins te hi an Document-ah Disqualify theihna tur thil tam tak hmuh nimahse, MBBA hnuaia District rawn tel thei awm chhun annih avang leh an inbuatsaihna leh senso te ngaihtuahpuiin an khelh zui zel dan tur ngaihtuahpui ni se' tia relin Qualifying khel tur Club zawng zawngte rilru dam tlan theihna ber tur ngaihtuah chungin Qualifying khelh tawh chu Cancel-a a bul ațanga khelh țhat leh ni se tiin thutlukna a siam a, hemi chungchang hi Ni 13.02.2017 ah MSL 4 Qualifying khel tur Club 3 te hnenah hrilh hriat nise' tiin thutlukna a siam ta ani.

MSL Board thuchhuak angin Ni 13.02.2017 a MBBA President te In a MSL Board leh Qualifying khel Team 3 -te inhmuhkhawm naah chuan,MSL Board thuchhuak hi hriattir anni.

Republic VR4 chuan Minikins te an Squad ngaia an khelh dawn chuan MSL Board thutlukna hi an pawm theih loh thu an sawi a,Champhai Minikins lam pawhin Republic VR4 chu an hneh hnu anih avanga a thara khelh țhat leh chu an pawm theih loh thu an sawi bawk.

MSL Board Chairman leh hruaitu dangten thil awmzia sawiin,Basketball hmasawnna atana kan dik lohna lai awmte inngaidam tawn turin leh MBBA, MSL Board leh MBBA Technical Committee te pawh inphahhniam tlang țheuh ila tia a ngen hnuah Republic VR4 leh DVSC lam chuan, Basketball hmasawn zel nan tiin MSL Board thuchhuak hi an pawm thu an sawi ta a.

Champhai Minikins lamin Board thuchhuak hi an la pawm theih tak loh zel avangin MSL Board Chairman chuan inrawnkhawmna hun a siamsak leh ani.

MSL Board Chairman thurawn anga Minikins hruaitute inrawnkhawm chuan MSL Board thuchhuak chu an pawm theih loh thu leh MSL4 Qualifying ațanga an inhnuhdawh thu MSL Board hi an hriattir zui ta ani.

Hemi hnua Minkins player te ni a ngaih leh mi hrang hrangten MBBA ti hmingchhe zawnga Social Media lama thuchhuah annei zui ta chiam mai chu MSL Board chuan pawi ati takzet ani.

MSL Board chuan Champhai Minikins te,MBBA Technical Committee-in a Disqualify na chhan hi thu tling ani chung leh Appeal an thehluha an lehkha, November 2016 a Minikins Club ten an dil anga CDBBA in Transfer an phalsakna an thehluh tel pawh Aizawla siam chawp (Dated Aizawl tih a ni) ala ni fo chung pawha an khelh zel theih dan tur ala ngaihtuahsak hram hram laia an inhnukdawk ta hi pawi ati hle a,tin,hemi chungchangah thudik lo leh dawt hmanga MBBA sawichhiatna hriattur awm leh hmuh tur awm zui zel pawh hi pawi a tiin tun hnuah chuan hetiang hi thleng tawhlo se MSL Board chuan a ti takzet ani.

Secretary

MSL Board

Copyright © inkhel.com 2024. All rights reserved.