Flying Christabel U -18 Mizoram Premiere League Round 2 chu October ni 22, Inrinni khan Rajiv Gandhi Stadium-ah khelh zawh a ni. Inkhel hmasa zawk ah Chhinga Veng FC chuan 4-1 in Zo United FC an sawp a, inkhel hnuhnungah Chanmari FC chuan 2-0 in Dinthar FC an hneh ve thung.

Inkhel hmasa zawk Chhianga Veng FC chuan 4-1 in Zo United FC an hneh a, Chhinga Veng FC tan F Lalnuntluanga chuan goal hnih akhung a, Lalremruata, Ramhlunchhunga leh Vanlalhmunsiam an goal khat ve ve an khung bawk. Zo United FC tan C Lalruatsanga chuan goal khat a khung ve bawk a ni.

Inkhel hnuhnungah Chanmari FC chuan 2-0 in Dinthar FC an hneh. Chanmari FC tan Jessy Remruatsanga leh Francis Rambeiseia chuan goal khat ve ve an khung. Goal lut te hi second half-a lut ve ve an ni. second half tan atanga minute 5 aral hmain Jessy-a chuan Chanmari FC tan an hmahruaina goal akhung hnu minute 8 aral leh hmain Rambeiseia chuan an goal hnihna a thun leh nghal a, 2-0 in hnehna an chang ta a ni.

October ni 22, Inrinni Round 2  Results:-

07:00 AM Chhinga Veng FC 4-1 Zo United FC

(Lalremruata 33', F Lalnuntluanga 74', 81', Ramhlunchhunga 76', Vanlalhmunsiama 90') (C Lalruatsanga 50')

09:00 PM Chanmari FC 2-0 Dinthar FC

( Jessy Remruatsanga 50', Francis Rambeiseia 58')

(adsbygoogle = window.adsbygoogle || []).push({});