Flying Christabel Mizoram Premier League Under 18 chu October 17, Thawhtanni khan Rajiv Gandhi Stadium- ah khelh tan a ni a, Round 1 khelhzawh a ni. Chanmari West FC, Zo United FC, Chhinga Veng FC leh Bethlehem Vengthlang FC te chuan an khingpui theuh an hneh a ni.

MPL Under 18-ah hian January 1, 1998 leh a hnu lama piang chin tan khelh theih a ni a, Club pariatte vawi khat theuh an inkhelh kual hnuah a sang paliin semifinal an khel ang a, semifinal leh final hi single leg-a khelh ve ve tur a ni dawn a ni.

MPL-ah hian Under 17 inelna kalpui thin a ni a, MPL-4 atang khan AIFF-in Under 18 I League-a kalpui tawh zulzuiin Under 18-ah siam danglam a ni ta a ni.

7:00 Am: Chanmari West 4-1 Ramhlun North

(Lalenkawla 29', 39', 66', Lalremruata 90+2') (Lalchhuanmawia Hauzel 20')

Inkhelh hmasa ber hi zing dar 7:00-ah khelh tan a ni a, Chanmari West FC chuan 4-1 in Ramhlun North FC an hneh. Chanmari West FC tan Lalenkawla chuan hattrick-a siam a, Lalremruata chuan goal khat akhung bawk. Ramhlun North FC tan Lalchhuanmawia Hauzel chuan gaol khat a khung ve bawk a ni.

9:00 AM: Zo United FC 2-0 Chanmari FC

(Zonunmawia 37', 89')

Inkhel vawinihnaah Zo United FC chuan Zonunmawia goal hnih hmangin MPL Champion hmasaber Chanmari FC an hneh. Goal lut te hi first half huntawp dawnah leh secound hlaf huntawp dawn a lut ve ve a ni.

11:00 Am: Aizawl FC 0-1 Chhinga Veng FC

(Lalhmangaihsanga 19')

Inkhel vawithumnaah Chhinga Veng FC chuan 1-0 in Aizawl FC an hneh a, Goal awm chhun hi first half-a lut a ni a, inkhelh tan a tanga minute 19-ah Lalhmangaihsanga thun a ni.

01:00 PM : Dinthar FC 1-3 BVT FC

(C Lalrintluang 47', Michael Laltanpuia 65', Joel Lalmuanpuia 81') (Jeffrey Lalmalsawma 68')

Inkhel hnuhnung berah Bethlehem Vengthlang FC chuan 3-1 in Dinthar FC anhneh ve bawk. Goal lut te hi second best half-a lut vek a ni a, Bethlehem Vengthlang FC tan X Lalrintluanga, Michael Laltanpuia leh Joel Lalmuanpuia te chuan goal khat theuh an khung a, Dinthar FC tan Jeffrey Lalmalsawma chuan goal khat a khung ve bawk.

Round 2 October ni 21, Zirtawpni Fixtures:-

11:00 AM Bethlehem VT FC vs Chanmari West FC

01:00 PM Ramhlun North FC vs Aizawl FC

(adsbygoogle = window.adsbygoogle || []).push({});