October 13, 2015 (Thawhlehni) khan Mizoram Premier League Board, MPL club hotute leh MFA Registration Committee-te chu MFA Office-ah an thukhawm.
MPL Board-in ruahmanna a lo siam tawh, MPL Under 18 khelh tur leh October 17-24 chhunga MPL transfer hun hawn chungchangte thlirho a ni. MPL Under 18 khel tur hian inbuatsaihna kalpui mek a ni a; MPL transfer hi MPL Board-in a lo rel tawh angin kalpui tur a ni a, MPL Round 7 leh Round 8 in kar, October 17-24 chhungin hawn a ni ang.
Hetihlai hian Mizoram Premier League Round 7 chu October 15 leh 16 (Ningani leh Zirtawpni) hian khelh chhunzawm a ni dawn a; inkhel hmasa chawhnu dar 2:30-a tan thin chu tlai dar 4:45-ah sawn a ni. Lammualah inkhel dang a awm avangin chawhnu inkhel thin chu tlai lamah sawn a ni a, zan inkhel erawh tan hun pangngai dar 7:45-ah khelh a ni ang.
MPL Round 7 fixture leh kick off hun chu a ni:
October 15 (Ningani)
4:45 PM Dinthar FC - Mizoram Police FC
7:45 PM Zo United FC - Aizawl FC
October 16 (Zirtawpni)
4:45 PM Chanmari FC - Bethlehem Vengthlang FC
7:45 PM Luangmual FC - Chanmari West FC