Mizoram Premier League Club Association (MPL) Award 2017 chu December ni 14, Zirtawpni zan khan Ignite Studio Khatlaah sem a ni a, he hun hi Pu Lalruatkima, MLA leh Pu H Zothangliana, MLA te chuan an hmanpui a, MFA hruaitu, District FA hruaitu, Club aiawh te, sponsor leh mi pawimawh sawm bik te an tel a ni.

Coach of the Year-ah Lalbiaksanga Colney, Mizoram Police FC, Player of the year R Malsawmtluanga, Chhinga Veng FC chu thlan ni bawkin, Young Player of the year-ah Rochharzela, Aizawl FC chu thlan a ni ve bawk a ni. Award dawng tute hnehah hian pawisa fai Rs 10,000/- Trophy leh Citation pek an ni.

Award dawng tur hi category 3-ah siam a ni a, hemi atan hian Club tin aiawh atangin Coach, Manager, Captain, President & Secretary ten vote 5 theuh an nei a, pawn lam atangin vote nei thei tur siam a ni lo.

He Award semna hun hi Sabina Lalnunsiami chuan thiam takin a hruai a, Pu Lalruatfela Hmar, MPL Club Association, Secretary chuan report apek hnuah Pu Robert Romawia Royte, MPL Club Association, President chuan thu sawiin" India ramah MPL hi league hriat lar a ni mek a, tuna award sem tur hi a hlu hle a, a dawngtu te pawn an phu hle a ni". Club te leh player ten kan tawng sang zel a, kan hriatna te pawh tih thar angai a, MPL dan te pawh hriat belh zel angai a ni". MPL hi mipui leh club ten kan hlut zel avangin MPL Club Association chuan award hi sem ngei nise tiin a rel a, he award hi player leh club coching staff te phurna min pe tan ila zel ang u"a ti.

Award Lawmman dawng tu te:

Electric House Coach of the Year: Lalbiaksanga Colney, Mizoram Police FC

Kononia Player of the year: R Malsawmtluanga, Chhinga Veng FC

Skynet Young Player of the year: Rochharzela, Aizawl FC