Manchester United boss Jose Mourinho chuan a player hman turte a lalut kim thawkhat tawh a, SportsMail tarlan danin Paul Pogba pawhin United a zawm leh ngei dawn bawk.

Mourinho hian a player hman loh turte a thliar fel tan a, United-in season hmasaa Bayern Munich atanga an lakluh Bastian Schweinsteiger chu hming langsar ber tih ngam a ni. 

Mourinho hian player pakua- Fosu-Mensah, Adnan Januzaj, Will Keane, James Wilson, Bastian Schweinsteiger, Paddy McNair, Borthwick Jackson, Andreas Pereira leh Tyler Blackett-te chu U-21 player zingah a traning tir a, season tharah chhawr tumna a nei lo, Mourinho chuan heng player-te hi mimalin a kawm vek tawh nia tarlan a ni bawk.

Fosu-Mensah, Andreas Pereira leh James Wilson-te pathum hi chu loan-a chhuah tir atana tih an niin tarlan a ni a, a bak player paruk te hmalam hun erawh a chiang lo hle. Mourinho chuan Sweden a Galatasaray hmachhawn tur squad a puang a, player 23 thlan niin a chunga kan tarlan player-te hming erawh a tel ve lo a ni. Mourinho-a'n player naupangte a ring ngam lo chhunzawm zel dawn niin a lang.