11 Jan 2017 11:49

Inkhel

Mizo Sports Website hmasa ber

​Mourinho-a'n Walker leh Rose lam a hawi

Jose Mourinho chuan Spurs full-back pahnih Kyle Walker leh Danny Rose-te chu £60m in lei a tum niin Telagraph chuan a tarlang.

Season tan hnu lawk khan Walker leh Rose-te hian contract thar an ziak a, he an contract thar ziah hi £70m man hu zet nia chhut a ni.

Spurs chairman Deniel Levy chuan,"Kan full back pahnih te hi hralh tumna kan neilo, kan hralh dawn a nih pawhin summer transfer-ah bak kan hralh lo ang," tiin Telegraph palaite a hrilh.

Danny Rose hi 2015 season tan dawn khan Chelsea leh PSG-te chuan lei an lo tum tawh a nih kha. Leeds United atanga Rose leichhuah nan hian Spurs in £1m chiah an seng a, an hralh a nih pawhin sum tam tak an lalut ngei ang le.

Mourinho chuan Benfica defender Lindelof bansanin Roma defender Kostas Manolas lam a hawi dawn niin media te chuan an tarlang bawk. Portuguese manager hian £47m in Roma a dawr mek niin Italian media te chuan an tarlang.

Roma lam hian an Greek defender manah £52m an chhiar thung. Jose hian Manolas-a team-mate Alessandro Florenzi pawh a duh niin The Sun chuan a tarlang bawk.

Mahse Roma hi Serie A lamah an che tha a, tunah hian league leader Juventus aiin point 4 chiahin an hniam. Title sawi ri ngam AS Roma hian an defender te hi an chhuah phal a rinawm viau loh a, amaherawh chu an defender tu emaw zawk hi chu a chhuah ngei rin a ni.