12 Jan 2018 08:03

Inkhel

Mizo Sports Website hmasa ber

​Mourinho-a'n Balotelli chungchang engtin nge a sawi?

Portuguese coach Jose Mourinho hian FC Porto, Chelsea, Inter Milan, Real Madrid leh Manchester United te a enkawl tawh a, Inter Milan a enkawl laia Balotteli nen an thawhdun dan chungchang chu Real Madrid boss a nih laiin a sawi chhuak a.

"Ka la hriat reng chu, Champions League match kan khelh tumin Kazan (Russia) kan tlawh a. Ka striker pahnih Eto'o leh Milito an inhliam, Balotelli chiah chhawr theih ka nei.

"Mario chuan minute 42 nge 43 ah? yellow card a chawi. Half time a ni a, dressing roomah chuan chawlh kan neih chhung zawng chu Mario chungchang sawi nan ka hmang a ni mai, minute 15 chawlh a ni a, minute 14 chhung Mario chungchang ka sawi.

"Mario, tunah hian thlak theih i ni lo. Striker dang bench-ah ka nei lo. I khingpui tumah tawk lo la, ball chiah khel ang che. Ball kan hloh a nih pawhin engtinmah che chhunzawm suh ang che. Tin, referee-in tihsual palh a neih pawhin engtinmah ti suh ang che. Khawngaihin aw Mario.. tiin ka hrilh.

"Second half kan tan a, 46 mins-ah chuan red card a chawi ta ngal a, " tiin Jose Mourinho chuan nui vur vur chungin CNN correspondent Pedro Pinto hnenah a sawi a ni.