Monaco-ah Ricciardo a tlan chak ber

28th May 2018, 03:05AM

Daniel Ricciardo chu F1 Monaco Grand Prix-ah pakhatna a ni a, Sebastian Vettel chu pahnihna niin, Lewis Hamilton chu pathumna a ni.

Red Bull driver Ricciardo hian pole position atangin bul a tan a, harsatna a nei lo viau a, mahse lap 19 atangin a car ah harsatna a rawn awm a, hei vang hian a hnunga tlan Ferrari driver Vettel chuan a hnaih phah hle a. Ricciardo steering wheel-a switch thenkhat an thlak a, hemi hnu hian a car chu a pangngai chho ve leh a. Hetiang deuh chiah hian lap 39-ah Vettel pawhin harsatna a tawk ve leh bawk.

Intlansiak chhung zawng tih theih deuh thaw hian Ricciardo chu Vettel aiin second 1 velin a tlan chak zawk ngar ngar a, inlehpelh harsatna Monaco-ah Red Bull driver tan hlauhthawn lutuk tur a awm lo a tih theih.

Lap 5 vel chiah tlan tur a la awm tihin Charles Leclerc leh Brendon Hartley te an insu a, hei vang hian Virtual Safety Car a inrawlh a, hei hi Daniel Ricciardo tan chuan malsawmna a ni ringawt a, a hnunga awm Vettel aiin second 5 velin a hma theih phah a ni.

Tun season chhungin Ricciardo hi tum hnih chu chak ber a ni ta a, Monaco bikah hi chuan pakhatna a nih vawi khatna a ni nghe nghe a. 2016 khan a chak teuh hle a, mahse pit stop lamah an chet fuh loh avangin pakhatna a nih loh phah tawh a ni.

Mercedes driver Lewis Hamilton chu pathumna ni mahse championship lamah chuan pakhatna a la ni zel thung a. Ferrari driver pakhat zawk Kimi Raikkonen chu palina niin, a hnung chiaha awm Valtteri Bottas aiin 0.679 second in a thleng hmasa a, parukna chu Force India driver Esteban Ocon a ni.

McLaren driver Fernando Alonso chu lap 53-ah gearbox chian loh vangin a tawp a, hei vang hian a tira 10-na atanga tlan tan, Toro Rosso driver Pierre Gasly chu pasarihna a nih theih phah a. 11-na atanga tlan Nico Hulkenberg chu pariatna a ni a, Red Bull driver pakhat zawk Max Verstappen chu pakuana niin, top 10-ah hian Renault driver Carlos Sainz chu a lang pha chiah a ni.

Monaco-a chak ber Daniel Ricciardo hian point 72 a hmu ta a, championship-ah pathumna a ni a, pahnihna Sebastian Vettel chu point 24 in a la pha lo a, pakhatna Hamilton aiin point 38 in a la hniam zawk bawk.

MONACO GRAND PRIX RESULT:

1 Daniel Ricciardo (Aus) Red Bull 1hr 42mins 54.807secs

2 Sebastian Vettel (Ger) Ferrari 1:43:02.143

3 Lewis Hamilton (Gbr) Mercedes 1:43:11.820

4 Kimi Raikkonen (Fin) Ferrari 1:43:12.934

5 Valtteri Bottas (Fin) Mercedes 1:43:13.629

6 Esteban Ocon (Fra) Force India 1:43:18.474

7 Pierre Gasly (Fra) Toro Rosso 1:43:19.138

8 Nico Hulkenberg (Ger) Renault 1:43:19.646

9 Max Verstappen (Hol) Red Bull 1:43:20.124

10 Carlos Sainz (Spa) Renault 1:44:03.820

11 Marcus Ericsson (Swe) Sauber 1:44:04.671

12 Sergio Perez (Mex) Force India 1:44:05.268

13 Kevin Magnussen (Den) Haas 1:44:09.630

14 Stoffel Vandoorne (Bel) McLaren at 1 Lap

15 Romain Grosjean (Fra) Haas at 1 Lap

16 Sergey Sirotkin (Rus) Williams at 1 Lap

17 Lance Stroll (Can) Williams at 2 Laps

Not Classified: 18 Brendon Hartley (Nzl) Toro Rosso 70 laps completed 19 Charles Leclerc (Mon) Sauber 70 laps 20 Fernando Alonso (Spa) McLaren 52 Laps

Fastest Lap: Max Verstappen 1min 14.847secs on Lap 60

DRIVERS' CHAMPIONSHIP:

1 Lewis Hamilton (Gbr) Mercedes 110

2 Sebastian Vettel (Ger) Ferrari 96

3 Daniel Ricciardo (Aus) Red Bull 72

4 Valtteri Bottas (Fin) Mercedes 68

5 Kimi Raikkonen (Fin) Ferrari 60

6 Max Verstappen (Ned) Red Bull 35

7 Fernando Alonso (Spa) McLaren 32

8 Nico Hulkenberg (Ger) Renault 26

9 Carlos Sainz (Spa) Renault 20

10 Kevin Magnussen (Den) Haas 19

11 Pierre Gasly (Fra) Toro Rosso 18

12 Sergio Perez (Mex) Force India 17

13 Esteban Ocon (Fra) Force India 9

14 Charles Leclerc (Mon) Sauber 9

15 Stoffel Vandoorne (Bel) McLaren 8

16 Lance Stroll (Can) Williams 4

17 Marcus Ericsson (Swe) Sauber 2

18 Brendon Hartley (Nzl) Toro Rosso 1

19 Romain Grosjean (Fra) Haas 0

20 Sergey Sirotkin (Rus) Williams 0

CONSTRUCTORS' CHAMPIONSHIP:
1. Mercedes 178
2. Ferrari 156
3. Red Bull 107
4. Renault 46
5. McLaren 40
6. Force India 26
7. Toro Rosso 19
8. Haas 19
9. Sauber 11
10. Williams 4

Copyright © inkhel.com 2024. All rights reserved.