FIFA leh All India Football Federation duh dan angin India ramah awmze nei zawka Futsal kalpui tura tih chu MFA chuan April ni 6, 2017 khan MFA Office, City Park-a Executive Committee an neih tumin an rel.
AIFF atanga lehkha dawn bawhzuiin MFA Futsal Committee din a ni ta. MFA Futsal Committee hian Mizorama awmze nei leh mumal zawka Futsal kalpui dan tur a rel ang.
Tin, tournament neih theih dan kalphung, MFA leh District FA hnuaia registered player-te tel theihna leh theih lohna chinte a rel bakah MFA-in Futsal tournament a buatsaih chhoh dan turte an duang ang.
Hei bakah hian AIFF chuan kumin chhung hian India ramah Futsal inelna lian tham tak buatsaih a tum thu MFA hnenah lehkha a thawn bawk a ni.