Mizoram Team Player leh Jersey tlangzarh a ni

19th April 2018, 06:04PM

Mizoramin a vawi khat nan National Volleyball Championship a thleng dawn a, April ni 18, Nilaini zan khan R Dengthuama Hall Mualpuiah Mizo team player Mipa sawmpahnih leh Hmeichhia sawmpahnih te pho chhuah an nih rualin Mizoram State Sports Council Sports Promotion Officer Pu H Thangchungnunga'n an jersey a tlangzarh nghal bawk. 

(adsbygoogle = window.adsbygoogle || []).push({}); 

 RS Traders Pro Volleyball League semifinal denchhenin hun tawi hman a ni a, inkhel tan hmain Mizoram Volleyball General Secretary Pu C Lalrokhuma chuan Mini National Championship khel tur Mizo hmeichhia leh mipa team player-te a ko chhuak.

Jersey tlangzarhtu Pu Thanga chuan infiamna chu ram chawimawina a ni a, hlawhting turin tute emaw chauh inpekna ni lovin tanrualna a pawimawh tih a sawi.

"Mizo player-te avangin Mizoram hi chawimawiin a awm dawn a ni tih ka ring tlat. Hlawhtling turin Mi pakhat, team pakhat, veng pakhat emaw department pakhat emaw a tawk lo.

"Player, coach, official, nu leh pa, sumdawng, mipui leh sorkar. Kan vaiin kan pawimawh a, hlawhtling turin i tangrual ang u," a ti.

Mini National Championship hi R Dengthuama Indoor Stadium-ah April 24-28 chhung khelh a ni dawn a. A thlengtu Mizoram nen mipa team 20 leh hmeichhia team 19 an inel dawn niin thuneitute chuan an sawi.

Kawng hrang hrangah inbuatsaihnain a vawrtawp a thleng chho mek a, Rajiv Gandhi Stadium, Mualpuiah riar lutin ngawrh takin Mizoram team an inpuahchah.

Mizoramin infiamna hrang hranga national team championship a thlen tawhah an tel hnem ber tur niin an sawi a, thuneitute chuan Mizoram thlawpa tawiawm theuh turin Mizo mipui an sawm nghal bawk.

Mizoram team te:

Mipa:

Zomuanpuia - Muanna Veng

Remruathlua - Mualpheng

Lalramthara - TNT, Muanna Veng

C Lalrinzuala - Biate

Lalbiaktluanga - TNT Muanna Veng

Zomuansanga - Khawhai

Zolungmuana - Zuangtui

J Malsawmzuala - ITI Veng

Vanlalnunzira - Tlangsam

Lalhmunmawia - Khawhai

Zosangzuala - Kanan

Lalrinmawia - Sihphir

Coach - PC Lalhriatpuia

Manager Lariniana Royte

Hmeichhia :

Laldinpuii - Khawzawl

Malsawmtluangi - Tlangnuam Vengthar

Lalruatfeli - Tlangnuam Vengthar

Jecinta Lallawmawmo - Tlangnuam Vengthar

Laltluangzeli - Hortoki

Lalhlimpuii - Thenzawl

F Lallianchhungi - Kanan

K Lalawmpuii - Chawnpui

Lalramliani - Dawrpui Vengthar

Lalbiakngheti - Lawngtlai

Hmingthazuali - Kolasib

Lalduhkimi - Vaivakawn

Coach - Lalhlimpuii

Asst Coach - Vardingliani

Manager - Lalhmingliani Sailo

(adsbygoogle = window.adsbygoogle || []).push({});

Copyright © inkhel.com 2024. All rights reserved.