Mizoram Hexa League zan thumna khelh zawh a ni

04th September 2015, 11:09PM

Oil India MHL zan thumna chu September 3, 2015 Ningani zan dar 6 atang khan khelh leh a ni a,  match hmasa zawkah hian Bungkawn Games and Sports Association leh Mission Veng La Paloma inkhelin 3-2 in fans nei tha zawk BGSA hian hnehna an chang.

Match hnuhnung zawkah hian MHL zan hnihna a lo khel tawh leh chak record nei Tuikhuahtlang leh match khat khel tawha la chak zo lo Mission Vengthlang TT Club ten khel lehin fans nei tha zawk Mission Vengthlang te vanduai zawkah tangin 2-3 in TKT TT Club ten hnehna an chang. Tihian Tuikhuahtlang TT Club ten match hnih an khelh tawhah la chak ve ve in League table-ah hmahruaitu tu an ni.

Inkhel bihchianna:-

Bungkawn Games and Sports Association vs Mission Veng La Paloma:-

MHL a an match khatna khel tur ve ve Bungkawn leh Mission Veng hian an that dan ber tura an ngaihin setting rawn siamin Mission Veng hian no 1 ah tunlaia game improve ber te zing ami Ramduhsanga rawn dahchhuakin amah bitum tur hian Bungkawn veng tan skill tha leh a veikhawrna hmang tangkai thiam Lalruatsanga a rawn chhuak. Game hmuhnawm tak khelin Ramduhsanga Tuikhuahtlang hi 3-1 in a chak.

Second singles ah Mizoram TT khawvel kum rei tak lo awp bet tawh thin tu David Zodinpuia Bungkawn leh experienced player, skill nei tha Lalremruata Ralte Mission Veng inkhel lehin, hun pawimawha a service sual tuarin Ruata Ralte hian uihawm takin 1-3 in David-a hi a hneh ta lo a ni.

Doubles khelh chhunzawm leh a ni a. Mission Veng hian Henry Laltanpuia leh B. Lalmuanpuia inkawp tirin Bungkawn hian Samuel Lalhriatpuia leh Lalruatsanga an inkawptir ve thung. Mission Veng hian 2-0 in hma an hruai hmana, Bungkawn lam hian an fighting spirit neih that leh au phur tu fans an neih that zarzovin a tawpah 3-2 in an rawn lehthal.

Fourth singles ah men’s level a top player Henry Laltanpuia Mission Veng La Paloma leh Mens Above 35 a player langsar Lalruatkima Bungkawn Games and Sports Association te inkhel lehin Henry Laltanpuia hian 3-1 in hnehna a chang a ni. Tihian 2-2 a la inhnehtawkin deciding match ah David Zodinpuia Bungkawn leh Ramduhsanga Mission Veng te inkhel lehin a service that leh forehand attacking that dinchanpuiin David Zodinpuia hian 3-0 in hnehna a chang. Bungkawn hian 3-2 a Missionveng hnehin chak record nen MHL bul an tan.

Tuikhuahtlang TT Club vs Mission Vengthlang TT Club:-

Tuikhuahtlang TT Club te hian an team setting rawn thlakin a hma a no 1 a awm C. Lalmuanpuia chu no 2. ah rawn awmin player chuai theilo Basanta Meisnam chuan an team no 1 hmun a rawn luah.

Thum vawrah Mission Vengthlang chak zawkin League rubber khata match hnih chak zawn, an team inghahna ni bawk Lalmalsawma chu rawn dingchhuakin amah bitum tur hian Lalmalsawma ang tho va he league khelh meka hneh loh la tawnglo Mizoram champion lo ni tawh C. Lalmuanpuia chu Tuikhuahtlangin an rawn chhawpchhuak ve bawk. Entu lam nghahhlelh, khelh hmasa lama Player of the Night a thlan lo ni ve ve tawh te hian beisei ang ngeiin inkhel hmuhnawm tak lantirin game khatna hi senior zawk C. Muana’n a la. Game 2-na ah pawh hian C. Muana’n 8-5 in hma a hruai hman, Misson Vengthlang manager Zorema Pachuau in a hun takah time out la in, a time out lak chhawr in Malsawma hian 5-8 atangin point hlauh tawh miah lovin a game tlang nghal parh. Game thumna ah hian Malsawma’n 5-0 in hma a hruai ve leh thunga, C. Muana’n time out awmze nei la ve lehin a zawnin point 5 a rawn hmu ve leh thawt bawk. Inhnehtawk taka inkhelin Malsawma’n a footwork that leh a game speed ran dinchhuah puiin 3-1 in a chak ta zawk a ni.

Second singles-ah hian Malsawmkima Chhangte Mission Vengthlang leh Basanta Meisnam Tuikhuahtlang ten khel lehin anti spin (long pimples) player vaw na Mska’n a game tha lanchhuahtir theiloin Basanta hi 3-0 in a chak.

Third doubles ah Mission Vengthlang lamin zan hmasa lama inkawp tawh Masaia leh Liansanga rawn luhtir in Tuikhuahtlang in C. Muana leh Muanawma an rawn inkawptir ve thung. C Muana vuak nat leh Muanawma veikhawr placing that dinchangpuiin Tuikhuahtlang pair hi 3-0 in an chak ve leh. Tihian Tuikhuahtlangin 2-1 in hma an hruaia, vawikhat chak chiah an mamawh lain Mission Vengthlang in chak ngei ngei an mamawh.

Zan hmasa lama khel tha Lunglei tlangval Lalkohbika, Tuikhuahtlang TT Club leh veteran player tha Sailoliana Mission Vengthlang te fourth singles-ah hian inhmachhawn lehin Masaia hian game a la hmasa, tlawm duhlo Kohbika’n beilet ve zelin deciding ah Kohbika’n a fighting spirit that a chakpui.

Tihian Tuikhuahtlang hi 3-1 in an chak. Match nga-na khelh ngei ngei tho angaih avangin an team te no 1 ve ve Basanta Meisnam Tuikhuahtlang leh Lalmalsawma Mission Vengthlang ten match hnuhnung ber hi khel lehin Malsawma hi 3-1 in a chak ta zawk a ni.

Player of the night ah zankhata singles match hnih a chak  game khat chiah hlauh David Zodinpuia Bungkawn Games and Sports Association chu thlan a ni.

Copyright © inkhel.com 2024. All rights reserved.