Mizoram Badminton League : Siaha leh Mission Veng an chak

15th November 2017, 04:11PM

3rd Hrangbana Memorial Mizoram Badminton league ni hnihna chu November ni 14, Thawhlehzan khan khelh chhunzawm a ni a, Pool B lamin khelin Tie hmasaah Southern Acers Siaha an chak a, Tie hnung zawkah Mission Veng an chak ve bawk. 

(adsbygoogle = window.adsbygoogle || []).push({});

Tie hmasaa in tum Siaha leh Champhai ah hian Siaha lamin Mens Doubles, Mixed Doubles, Mens Singles 2 leh U19 Boys Singles ah te chakin Champhai lam hian Mens Singles 1 la ve in Siaha lam hian 4 - 1 in chakna an chang a ni. Game a hmuhnawm a, Match hmasaber ah Siaha lamin Akshit Mahajan leh M. Joseph hmangin chakna an chang a, XD ah Mahajan rawn lut leh in Junior player Lalvenhimi'n rawn luhpuiin chakna an rawn chang leh bawk.  Venhimi chu Player of the Tie-ah thlan a ni.

MS 2-ah M. Joseph rawn lutin Rindika lakah point rawn thawk chhuak lehin U19 Boys Singles ah Nunhluan Siaha chakna nemnghet turin chakna a rawn chang leh a, MS 1-ah erawh Champhai lamin an chhuan tawlawl Daniel S Farid hmangin point rawn thawk chhuakin Siaha lamin 4-1 in Champhai an hneh a ni.

Tie hnung zawkah Match hmasaber khelin Pratul Joshi leh Lalmama hmangin Mission Veng lamin point an thawk chhuak a, Aisom Singh leh Lalrinzuali ten Chanmari tan point an rawn thawk chhuak veleh. MS-2 lut lehin Mission Veng tan Zarkima rawn chak lehin U19 Boys Singles ah Aison Singh in Chanmari rawn chhan velehin 2-2 in an im draw. MS1 khelh chhunzawm leh niin Chanmari tan Ismael leh Mission Veng ran Pratul ten an rawn khel a, game a hmuhnawm a, Tie a zawh meuh chuan Mission Veng lamin 3-2 in chakna an chang ta a ni. Chanmari tana point 2 thawkchhuak tu Aimson Singh chu Player of the Tie-ah thlan a ni.

(adsbygoogle = window.adsbygoogle || []).push({});

Copyright © inkhel.com 2024. All rights reserved.