MISMA in Mizoram aiawh tur thlang fel

13th August 2018, 11:08PM

Mizoram State Mixed Martial Arts Association (MISMA) chuan India ram pum huapa 2018 AIMMAA MMA neih huna Mizoram aiawha feh chhuak turte an puang a. Amateur MMA fighter 15, Sport MMA fighter 5, coach 2, manager 1, doctor 1 leh official 4 an thlang a ni.

2018 AIMMAA MMA event hi Thyagaraj Sports Complex, New Delhi-ah September 20 atanga September 23 chhunga neih tur a ni a. MISMA hian sorkar atangin sum an hmu lem lo a, anmahni pawl sumin an inbuaipui a. Sum lama indaihlo viau chungin Mizoram aiawh tur hi an tir chhuak thei tho a, indaihloh a na hle niin an sawi.

MISMA President Pu Lalthakima chuan tun tumah hian team tha tak an intirh theih tur thu sawiin, Mizoram MMA chanchinah national event-a an tel hnem ber tum a la nih thu a sawi.

He event hi world championship selection a nih dawn bakah national ranking neihna tur a ni dawn bawk a, hei vang hian fighter te pawhin theihtawp chhuahin tan an la mek a. MISMA technical chairman Samuel Lalrozama chuan technical mite’n theihtawpa tan an lak thu a sawi a, hruaitu tha tak, a bikin President inpe zo tak zarah an pawlin fighter te an sponsor theih thu a sawi a ni.

Tun dinhmunah Dawrpui Contact Sports (DCS), Netsurf, inkhel.com, Canton Shoe Store, SPES Martial Arts Gym, Pemarin leh mimal eng emaw zatin sponsorship an tihsak a, lawmthu an sawi a. Heti chung hian sum hi an la indaih lo hle niin an sawi.

MISMA hi All India MMA Association (AIMMAA) hnuaia awm a ni a, AIMMAA hi khawvela body lian ber, International MMA Federation (IMMAF) hnuaia in affiliate a ni ve leh bawk a. IMMAF professional partner chu Ultimate Fighting Championship (UFC) company a ni.

Mizoram aiawh turte:

AMATEUR MMA
1. Ph. Inaocha - Zarkawt - Dawrpui Contact Sports/SPES gym
2. Lalvenhimi - BVT - Dawrpui Contact Sports/SPES gym
3. Jeho Malsawmpuia - Zuangtui - Dawrpui Contact Sports/SPES gym
4. PMS Dawnglina - Mission VT/ Kawrtethawveng - Elon Fitness Gym
5. Lalhriathlua - Chhiahtlang - Dawrpui Contact Sports/SPES gym
6. Lalropuia Hnamte - Mission veng - HBK MMA gym
7. Lalhunthara - Dawrpui - Dawrpui Contact Sports/SPES gym
8. VL Sangzela - Chhingchhip - Dawrpui Contact Sports/SPES gym
9. C.Lalrinpuia - Dawrpui - Dawrpui Contact Sports/SPES gym
10. Lalruatnunga - Ramthar N - Dawrpui Contact Sports/SPES gym
11. Laltanpuia - Ramthar - Dawrpui Contact Sports/SPES gym
12. Lalsangliana - Ramhlun Venglai - Dawrpui Contact Sports/SPES gym
13. Hruaitluanga - Khatla East - Dawrpui Contact Sports/SPES gym
14. Ngurlianzuala Sailo - Dawrpui/ Mizoram Police - Dawrpui Contact Sports/SPES gym
15. Ngursaimawia - Luangmual - Dawrpui Contact Sports/SPES gym

SPORT MMA
1. Lalmuanawma - Dawrpui - Dawrpui Contact Sports/SPES gym (under 18years)
2. Ian Lalremruata - Dawrpui - Dawrpui Contact Sports/SPES gym (under 18years)
3. Rovulluaia - Dawrpui Vengthar - Dawrpui Contact Sports/SPES gym (under 18years)
4. K. Vanhnuaithanga - Republic/ East Lungdar - Dawrpui Contact Sports/SPES gym
5. Lalsangliana - Ramhlun Venglai - Dawrpui Contact Sports/SPES gym

OFFICIALS
1. Samuel Lalrozama Dawrpui Dawrpui Contact Sports/SPES gym (Team Coach/ Official)
2. Zorelliana East Lungdar Dawrpui Contact Sports/SPES gym (Team Assistant Coach/ Official)
3. Abisac Lalhruaitluangi Dawrpui Dawrpui Contact Sports/SPES gym (Team Manager)
4. Dr. Reuben Lalrosiama (Team Doctor)

Copyright © inkhel.com 2024. All rights reserved.