July ni15, Inrinni khan Lalbiakliana Memorial Mizoram Football Association Super Cup chu RG Stadium-ah khelh chhunzawm a ni a, inkhel vawi thum awmin Ramthar Veng FC, Dinthar FC leh Aizawl FC Academy te chuan ankhingpui theuh an hneh. July ni 17, Thawhtanah Rajiv Gandhi Stadium-a inkhel tur te hi AR Lammualah an in sawn ang. Quarter final lut a hriat kim tawh ang. July ni 18, Thawhlehni atangin quarter final AR lammualah khelh tan tur a ni a, dar 11:00 AM-ah Bethlehem Vengthlang FC leh Chhinga Veng FC ten an khel ang a, dar 01:00 PM-ah Durtlang Leitan FC leh Venghlui FC ten an khel thung ang.
Inkhel hmasaber Ramthar Veng FC leh Chite Veng te hun pangngaiah 1-1 a anin hneh tawk hnuah penalty shootout-in chak zawk zawn a ni a, Ramthar Veng FC chuan 5-3 in hnehna an chang a, Round of 16 an lut ve ta a ni. July ni 17, Thawhtanni chawhnu dar 2:00 PM-ah Dinthar FC nen anin hmachhawn ang a, a chak zawk hian quarter final an lut ang.
Inkhel vawi hnihna Dinthar FC chuan 2-0 in Chaltlang FC hnehin Round of 16 an lut. Dinthar FC tan Lalnunsanga (Tale-a) leh Samuel Laltlanthanga chuan goal khat ve ve an khung. July ni 17, Thawhtanniah Ramthar Veng FC an hmachhawn leh ang a, hnehna an chan chuan quarter final an lut ang.
Inkhel hnuhnungber Aizawl FC Academy leh Ramhlun North FC te hun pangngaiah goal awmlo a anin hneh tawk hnuah penalty shootout-in chak zawk zawn a ni a, Aizawl FC Academy chuan 4-3 a hnehna changin quarterfinal an lut ta a ni.
Quarter Final lut tawh te: 1. Bethlehem Vengthlang FC 2. Chhinga Veng FC 3. Durtlang Leitan 4. Venghlui FC 5. Aizawl FC Academy
July ni 15, Inrinni Rajiv Gandhi Stadium Results
11:00 AM Chite Veng 1-1 Ramthar Veng FC
(Lalbiakdika 54') ( Lalmuanpuia 29')
(Penalty Shootout-ah Ramthar Veng FC 5-3 in an chak)
01: 00 PM Chaltlang FC 0-2 Dinthar FC
(Lalnunsanga (Tale-a) 13', Samuel Laltlanthanga 55')
03:00PM Aizawl FC Academy 0-0 Ramhlun North FC
(Penalty Shootout-ah Aizawl FC Academy 4-3 in an chak)
July ni 17, Thawhtanni Rajiv Gandhi FC Fixtures
10:00 AM Aizawl FC vs Mizoram Police FC
12:00 PM Zova Memorial FC vs Chanmari West FC
02:00 PM Ramthar Veng FC vs Dinthar FC
(adsbygoogle = window.adsbygoogle || []).push({});