MFA Super Cup: I League Champion Aizawl FC an tla

17th July 2017, 10:07PM

July ni 17, Thawhtanni khan Lalbiakliana Memorial Mizoram Football Association Super Cup khelh chhunzawm a ni a, inkhel vawi thum awmin Mizoram Police FC, Chanmari West FC leh Dinthar FC te chuan ankhingpui theuh an hneh a, quarter final lut ahriat kim ta a ni. July ni 18, Thawhlehni atangin AR Lammualah quarter final khelh tan tur a ni a, inkhel vawi hnih a awm ang a, chawhma dar 11:00 AM -ah Bethlehem Vengthlang FC leh Chhinga Veng FC ten an khel ang a, chawhnu dar1:00 PM-ah Durtlang Leitan leh Venghlui FC ten an khel thung ang. 

(adsbygoogle = window.adsbygoogle || []).push({});


Quarter Final lut te: 1. Bethlehem Vengthlang FC 2. Chhinga Veng FC 3. Durtlang Leitan 4. Venghlui FC 5. Aizawl FC Academy 6. Mizoram Police FC 7. Chanmari West FC 8. Dinthar FC

Inkhel hmasaber Mizoram Police FC chuan 4-3 in Aizawl FC an hneh a, Mizoram Police FC tan Lalsangbera chuan goal hnih a khung a, Lalfakzuala leh F Lalrinpuia ten goal khat ve ve an khung bawk. Aizawl FC tan H Lalbiakthanga leh Rochharzela chuan goal khat ve ve an khung a, MC Lalthanzaua chuan an lamah a pet goal bawk.

First half hun tawp dawn injury time-ah Aizawl FC tan H Lalbiakthanga chuan goal hmahruai a khung a, Aizawl FC chuan 1-0 a hmahruaiin chawlh lawk an hmang. Second half tan atang a minute 3 aral hmain Rochharzela chuan Aizawl FC tan an goal hnihna a khung zui nghal a, Mizoram Police FC an bei dawng lo an siphurh sut ngei tum an nawr let thung a, minute 23 chhungin Lalsangbera chuan goal hnih a khung bakah Lalfakzuala leh F Lalrinpuia chuan goal khat ve ve an khung a, Mizoram Police FC chuan 4-2 in hmaanhruai ta zawk a, hun tawp dawn injury time-ah Mizoram Police FC defender Lalthanzaua chuan an lamah pet goal hlauh mahse, Aizawl FC chuan an siphurh an rul thei tawh lo a, Mizoram Police FC chuan 4-3 a hnehna an chang ta a ni.

Inkhel vawi hnihnaah Chanmari West FC chuan 15-0 in Zauva Memorial FC an sawp thung. Chanmari West FC tan Lalnunmawia chuan goal nga a khung a, C Lalremruata leh R Lalthanmawia chuan goal thum ve ve khung bawkin JH Lallawmkima chuan goal hnih a khung bakah Laromawia leh Vanlalthlamuana chuan goal khat ve ve an khung bawk.

Inkhel hnuhnungberah Dinthar FC chuan si thum faiin Ramthar Veng FC an hneh a, Dinthar FC tan Lalmalsawmtluanga, Lalnunsanga leh Lalramliana te chuan goal khat theuh an khung. First hlaf minute 34-ah Dinthar FC tan Lalmalsawmtluanga chuan goal hmahruai a khung a, goal dang lut Lo in Dinthar FC chuan 1-0 a hmahruaiin chawlh lawk an hmang a, second hlaf-ah Dinthar FC tan bawk minute 71-ah Lalnunsanga ( Tale-a) chuan an goal hnihna khungin huntawp dawn minute 1 pawh awm lo ah Lalrinliana chuan an goal thumna khung leh in Dinthar FC chuan 3-0 in hnehna an chang ta a ni.

July ni 17, Thawhtanni Results
10:00 AM Aizawl FC 3-4 Mizoram Police FC
(H Lalbiakthanga 45+1', Rochharzela 48', MC Lalthanzaua(OG) 90+3') (Lalsangbera 58', 90+1', Lalfakzuala 59', F Lalrinpuia 68')

12:00 PM Zova Memorial FC 0-15 Chanmari West FC
(Vanlalthlamuana 9', Lalnunmawia 39', 40', 50', 77', 80', Laromawia 42', JH Lallawmkima 55', 66', C Lalremruata 60,', 72', 85', R Lathanmawia 71', 73', 75')

02:00 PM Ramthar Veng FC 0-3 Dinthar FC
(Lalmalsawmtluanga 34', Lalnunsanga 71', Lalramliana 90')

July ni 18, Thawhlehni AR Lammual Quarter final Fixtures
11:00 AM Bethlehem Vengthlang FC vs Chhinga Veng FC
01:00 PM Durtlang Leitan vs Venghlui FC

(adsbygoogle = window.adsbygoogle || []).push({});

Copyright © inkhel.com 2024. All rights reserved.