​MFA Super Cup 2017 Champion Chhinga Veng FC

25th July 2017, 01:07AM

July ni 24, Thawhtanni khan Lalbiakliana Memorial Mizoram Football Association (MFA) Super Cup final khelh a ni a, Chhinga Veng FC chuan 5-0 a Chanmari West FC sawpin champion no mawi an chawi ta a ni.

03:00 PM Chhinga Veng 5-0 Chanmari West FC

(Malsawmfela 31', 34', 49', Laldingngheta 35', R Malsawmtluanga 78')

Final inkhelah Chhinga Veng FC chuan si nga faiin Chanmari West FC an sawp a, Malsawmfela chuan hattrick siamin Dingngheta leh MS Tluanga chuan goal khat ve ve an khung bawk a ni.

Inkhel tan a ni a, minute 3 an khel hman tihah chhumzing vangin inkhel vawi hnih chawlhlai lawk a ni.  Inkhel chhunzawm leh a ni a, team pahnih te anin nawr tawn zak zak a,  goal thunna hun tha pawh an nei ve ve bawk.  Mahse, goal erawh an thun mai thei lo ve ve thung. minute 31-ah Chhinga Veng FC chuan an chance neih hmang tangkaiin Dampuia goal shoot tha zet Chanmari West FC keeper Malsawma dan per chu Malsawmfela chuan chiang zeta pet goal-in an hmahruaina goal a khung a, minute 3 aral hmaiin Dingngheta ball vawr luh tha zet chu Malsawmfela bawk chuan box-ah la lutin an goal hnihna a khung chhunzawm leh nghal zat bawk. minute 1 aral leh hmain Chanmari West FC defender Tlangthanpuia tihsual nangchinin Dingngheta chuan an goal thumna a khung leh nghal a, 3-0 a ni ta. Chanmari West FC chuan an siphurh sut tumin nawr let bawk mahse clear chance erawh an nei thei lo. Goal dang luh belh lo in Chhinga Veng FC chuan 3-0 a hmahruaiin chawlh lawk an hmang ta a ni.

Second half-ah Chhinga Veng FC chuan inkhel thu nun chhunzawmin minute 4 aral hmain Chhinga Veng FC tan Malsawmfela chuan hattrick siamna goal-a khung zui a, Chanmari West FC chuan an siphurh sut tumin counter attack-a nawrin  Mawite chuan goal thunna hun tha a hloh a, Chhinga Veng FC chuan an chance neih hmang tangkaiin minute 78-ah MS Tluanga chuan an goal nga na a khung leh a, goal dang luh belh tawh lo in Chhinga Veng FC chuan 5-0 a hnehna changin an champion ta a ni.

Super Cup champion Chhinga Veng FC hian Rs 2,00,000/- an dawn bakah Fair play lawmman Rs 10,000/- an dawng tel bawk a ni. Pahnihna Chanmari West FC hian Rs 80,000/- an dawng thung a, Semifinalist Venghlui FC leh Mizoram Police FC hian Rs 20,000/- an dawng bawk.

Best Goalkeeper lawmman hi Laltanpuia Mizoram Police FC chuan adawng a, Best Defender lawmman hi Lalrinchhana Tochhawng Chhinga Veng FC chuan a dawng thung. Best Midfielder lawmman hi R Malsawmtluanga Chhinga Veng FC chuan dawngin Best Forward lawmman hi Malsawmfela Chhinga Veng FC chuan a dawng thung a, Rs 3,000/- leh Trophy an dawng vek a ni.

(adsbygoogle = window.adsbygoogle || []).push({});

Copyright © inkhel.com 2024. All rights reserved.