May ni 24, 2016 Thawhlehni chhun dar 12:00 khan Mizoram SSA Mission leh Mizoram Football Assciation chuan Directorate of School Education Conference Hall-ah Pu Lalthanzara MFA President leh Pu Rohluna School Education Minister chuan thawhhona thuthlung an ziak. Grassroots Football Center 60-ah nasa zawk a, kalpui dan tur atana he thawhhona hi siam a ni.
Pu Joseph Lalhlimpuia, Hon'ble Part. Secretary School Education, Mizoram chuan a kaihruai a, Pu Lalhmachhuana, State Project Director Mizoram SSA Mission chuan report pe in, October ni 10, 2013-ah Tata Trust te nen thawhhona lo siam tawh thin an nih thu leh kawng hrang hrang a hmalak a nih thu te chungzingah chuan Grassroots football hi kawngkhat anih thu te, MFA, SSA leh Tata trusts, NEIDA te nen a tangho a, District Center 60 atangin hmeichhia panga tal tel ngei se kum 6-14 tan Grassroots Football Training hi uar zawk a kalpui tur leh hotu tute lamin tha antih chuan rampum huapa kalpui tura hmalak zel pawh a awlsam dawn thu a sawi.
Pu C Vanlalmawia,Jt. Secrectary, MFA chuan report pe ve bawkin District tinah DFA an awm thu leh chung ho hnuaiah chuan zone hrang hrang awmin Club an enkawl thu te, India International football sguad-ah mizo palyer 15% an awm thu leh Ileaue Indian football player 20% mizo an nih thu te, German Football nen a inpawh taka ke an pen ho dan te, FIFA U-17 Kum 2017 hian India in athlen turah khawpui pasariat ten an thlen turah mizoram pawh ngaihpawimawh zinga an tel thu leh TSG Hoffenheim-ah mizo naupang panga an kal dawn thu te sawiin India sguad-ah mizo naupang pali an tel thu leh grassroots football kalpui mek anih thu te a sawi bawk.
Inremna hming ziah a nih hnuin Pu Lalthanzara, Hon'ble Minister MFA Presidsent, Health Dept chuan thusawi nghalin; Grassroots Football nasa zawk leh uar zawk a kalpui anih zel theih nan MFA leh ADFA chuan theihtawp an chhuah dawn thu sawiin; Naupang tam zawkin German lamah training an neih theihnan a ke pen an tum zel thu leh Mizo kan tam lo a vai ho hi an tam hle a, India ram football-ah leh I League-ah te mizo player an awm zel te hi MFA chuan lawmawm atih zia leh Mizo te hian khawvel hmun hrang hrangah hla hmangin chanchintha kan hril a, Football pawh hi Chanchintha hril darhna hmanrua tha tak anih thu a sawi bawk.
Pu Rohluna Hon'ble Minister School Education, Mizoram chuan thusawi ve bawkin; "Sport hi taksa rilru hriselna atan a pawimawh a, School kai hun tihdanglam anih takah hian tlailam hunawl naupang ten an hman tangkai leh zual theih nan grassroots hi uar zawk a kalpui ani tur hi tha atih thu leh ropui atih zia sawiin; a hlawhtlin zel theih nan SSA leh MFA lam a mawhphurtu ten thawhpui zel tlak ni tura ke pen turin tan i la zel ang u" a ti.