​MFA leh FPAI-in tanpuina Cheng Nuai 3 an thehchhuak

04th July 2017, 05:07AM

Mizoram Football Association chuan, July 1, 2017-a Football Players Association of India nen exhibition match an neih atanga an sum tuak zinga mi, Rs 1,00,000 chu tun hnaia tui lian tuar Sairang khawtlang hnenah an hlan dawn.

MFA hian July 1-a FPAI nen exhibition football match an dawn atangin Rs 2,00,000 chu FPAI nena inkawpin Chief Minister's Relief Fund atan an lo hlan tawh a, a zavaiin Rs 3,00,000 tanpuina pawisa an pe chhuak thei a ni.

Tun hnaia FPAI XI nen Mizoram XI inkhel tura mikhual zinna leh an thlenna, ei leh in senso hi MFA lam tum a ni a, chuti chung chuan Mizo mipuite thahnemngaihna vang leh, sponsor Double ESS Industry-te inphalna avang a ni tih MFA chuan a hria a, a lawm takzet a ni. He inkhel en tura mahni insenga ticket leitu zawng zawng chungah MFA chuan lawmthu a sawi.

Copyright © inkhel.com 2024. All rights reserved.