Mizoram Football Association Futsal Committee chuan tun season tawp hmain Futsal lama a hmachhawp hrang hrangte tihhlawhtlin dan a rel a, intihsiakna pathum tun hnaiah buatsaih a tum a ni. 

Tin, season thar lo awm turah futsal chu huam zau zawka kalpui turin ruahmanna an siam a, Asian Football Confederation Futsal Development Program atanga AIFF kal tlanga MFA tana futsal ball 200 an pe chu MFA chuan lawmawm a ti hle. Hetihlai hian Nivia chuan MFA tan futsal ball pek chhunzawm zel a tum a, vawiin MFA competition-ah hian MFA logo chuanna Nivia-in futsal ball a pek chu hman thin a ni.

MFA Futsal Committee hmachhawp te:

Division One Season Ending: 

Ruahman lawk tawh angin tun season chhungin MFA Futsal Division One tan tournament pathum buatsaih tur tih a ni a, a hnuhnung ber 'Season Ending Tournament' chu April 25-27, 2018 chhungin Lammualah neih a ni ang. Division One Season Ending Tournament tournament-ah hian champion team-in Rs 10,000 an dawng ang a, pahnihnain Rs 5,000 dawngin semi finalist-in Rs 2,000 an dawng ang.

All Mizoram Junior Futsal Tournament: All Mizoram Junior (U-16) Futsal Tournament siam tura rel a ni a, May 8-11 chhungin Lammualah neih a ni ang. January 1, 2002 hnu lama piang chin an khel thei ang. Team tel thei hi entry fee thehlut hmasa 64 chin an ni ang. Tel tur team-te hian veng/khaw hming an pu tur a ni a, veng/khaw khat atangin pakhat aia tam an tel thei ang.

Entry fee hi Rs 500/- niin 23.4.2018 atangin MFA Office-ah pek theih a ni a, entry fee pe apiang hi hriat tur pawimawh awmna lehkha pek chhuah nghal an ni ang. Tel turte chuan inkhelh dawnah birth certificate (original) leh Adhar Card an keng tel tur a ni a, certificate lem hmang man chhuah an nih chuan amah chauh ni loin team pumpui pawh hrem theih an ni ang.

Prize Money:

Champions: Rs 10,000/- + Trophy

Runners Up: Rs 5,000/-

Semi Finalist: Rs 2,000/-

Note: Semi finalist chinin Asian Futsal Confederation atanga dawn Futsal Ball an dawng bawk ang.

MFA Futsal Cup: MFA Futsal Cup neih tur chu Chanmari Branch KTP nen tangkawpin May 14-19, 2019 chhung hian Lammualah buatsaih tur a ni ang a, hetah hian MFA hnuaia futsal club inziak lut zawng zawng (MFA Futsal League leh Division One) leh MFA Veteran Tournament-a khel team an tel thei ang. Lawmman tha tak siam a ni ang.

(adsbygoogle = window.adsbygoogle || []).push({});