​MFA Cup : Bethel FC, Mizoram Police leh Bazar Veng FC an chak

05th March 2017, 04:03AM

March ni 4, Inrinnii khan Mizoram Football Association (MFA) Cup chu Thuamluaia Mual, Lungleiah khelh chhunzawm a ni a, inkhel vawithum awmin Bethel FC, Champhai DFA, Mizoram Police, Aizawl DFA leh Bazar Veng FC, Lunglei DFA te chuan ankhingpui theuh an hneh. March ni 6, Thawhtanniah Group B atangin inkhel vawihnih a awm ang a, semifinal lut ahriat kim tawh ang.

Group A atangin Bethle FC, Champhai DFA leh Mizoram Police, Aizawl DFA ten semifinal anlut tawh a, Group B atang hian Project FC, Kolasib DFA chuan semifinal an lut ve tawh bawk. March ni 6, Thawhtanniah Hmar Veng FC, Serchhip DFA leh Bazar Veng FC, Lunglei DFA te inkhela chak zawk zawk hian Semifinal anlut ang a, an inhneh tawk chuan Hmar Veng FC, Serchhip DFA an lut thung ang.

10:00 AM North Gate, Lawngtlai DFA 0-6 Mizoram Police, Aizawl DFA

(Roliantluanga 26', Zohmingmawia 34', TC Vanlalhruaia 38', Lalfakawma 51', Lalbiaknunga 61' Lalfakawma 88')

Inkhel hmasaberah Mizoram Police, Aizawl DFA chuan siruk faiin North Gate, Lawngtlai DFA an sawp. Mizoram Police, Aizawl DFA tan Roliantluanga, Zohmingmawia, TC Vanlalhruaia, Lalfakawma 51, Lalbiaknunga leh Lalfakawma ten goal khat theuh an khung. 

12:00 PM Bethel FC, Champhai DFA 2-0 Chhim Veng FC, Mamit DFA

(Isaac Lalrinngheta 45+2', 71')

Inkhel thawhhnihnaah Chhim Veng FC, Mamit DFA chuan Isaac Lalrinngheta goal hnih hmangin Bethel FC, Champhai DFA an hneh ve bawk.

02:00 PM Bazar Veng FC, Lunglei DFA 3-1 FC College Vaih, Siaha DFA

(Edmund Lalrindika 38', 41', Lalramzauva 66') (BT Vanlalbela 19')

Inkhel hnuhnungberah mual neitu Bazar Veng FC, Lunglei DFA chuan 3-1in mikhual FC College Vaih, Siaha DFA an hneh a, Bazar Veng FC, Lunglei DFA tan Edmund Lalrindika chuan goal hnih khungin Lalramzauva'n goal khat akhung ve bawk. FC College Vaih, Siaha DFA tan BT Vanlalbela chuan goal khat akhung ve bawk a ni.

March 6, Thawhtanni Fixtures:-

11:00 AM Project FC, Kolasib DFA vs FC College Vaih, Siaha DFA

01:00 PM Hmar Veng, Serchhip DFA vs Bazar Veng FC, Lunglei DFA

Copyright © inkhel.com 2024. All rights reserved.