​MFA Cup 2017 Bethel FC leh Chhim Veng FC an chak

28th February 2017, 10:02PM

Mizoram Football Association (MFA) Cup chu February ni 28, Thawhlehni khan Thuamluaia Mual, Lungleiah khelh tan a ni. Group A atang inkhel vawihnih awmin Bethel FC Champhai DFA leh Chhim Veng Mamit DFA te chuan ankhingpui ve ve an hneh.

kum 2014 atanga Mizoram Premier League (MPL) club-te tel loin MFA Cup hi kalpui a ni a, District tina club thate inelna a ni. MFA Cup-ah hian District Football Association (DFA) tin atangin club pakhat theuh telin club pariat he inelnaah hian an tel a ni. Club pariat te hi group A-B ah then an ni a, asang pahnih hian semifinal ankhel dawna ni.

(adsbygoogle = window.adsbygoogle || []).push({});

Group A: Mizoram Police, Aizawl DFA, Bethel FC, Champhai DF, Chhim Veng FC, Mamit DFA, North Gate, Lawngtlai DFA

Group B: FC Collage Vaih, Siaha DFA, Hmar Veng FC, Serchhip DFA, Bazar Veng FC, Lunglei DFA, Project FC, Kolasib DFA


11:00 AM Mizoram Police, Aizawl DFA 0-4 Bethel FC Champhai DFA

(Kaleba Lalnunmawia 33', C Lalremruata 36', Isaac Lalrinngheta 78', 85')

Inkhel hmasa zawkah Bethel FC Champhai DFA chuan sili faiin Mizoram Police, Aizawl DFA an sawp. Bethel FC tan Isaac Lalringngheta chuan goal hnih khungin; Kaleba Lalnunmawia leh C Lalremruata chuan goal khat ve ve ankhung ve bawk a ni. Inkhelh tan atangin Bethel FC, Champhai DFA hian inkhel anthunun zawk a, fitness-ah pawh an tha zawk bawk.  Mizoram Police , Aizawl DFA hian game mumal ankhel lo atih theih awm e, an player tha te, Santosh Trophy ankhelh bakah  I League club AIzawl FC-a ankhelh nual avangin Aizawl DFA team Police hian antuar tih a hriat. Goal thuna huntha nei zeuh thin mahse, Champhai DFA tlarhnung ansutlang zo lo a, Bethleh FC, Champhai FDA  chuan sithum faiin hnehna an chang ta a ni.

01:00 PM Chhim Veng FC, Mamit DFA 2-1 North Gate, Lawngtlai DFA

(Lalchhandama 26', Lalduhzuala 85') (Lalremmawia 5')

Inkhel hnuhnungah Chhim Veng FC, Mamit DFA chuan 2-1 in North Gate, Lawngtlai DFA anhneh a, Chhim Veng FC tan Lalchhandama leh Lalduhzuala chuan goal khat ve ve khungin; North Gate tan Lalremmawia chuan goal khat akhung ve bawk.  Inkhelh tan atanga minute 5 aral hmain Lawngtlai DFA tan  Lalremmawia chuan goal hmahruai khung mahse,  minute 26-ah Mamit DFA tan Lalchhandama chuan  penalty anhlawh chhuah atangin ansiphurh sutna goal-a thun a, first half-ah goal dang luh belh lo in 1-1 in chawlhlawk anhmang a, second half-ah Mamit DFA chuan nawr chhunzawm mahse goal anthun belh maithei bik lo, Lawntlai DFA pawhin goal thunbelh tumin nawrlet thin mahse, goal erawh anthun thei bik lo, huntawp dawn minute 5-ala awmin Mamit DFA tan Lalduhzuala chuan anchakna goal-a khung ta a ni. 

March 1, Nilaini Group B Fixtures:-

11:00 AM FC College Vaih, Siaha DFA Vs Hmar Veng FC, Serchhip DFA

01:00 PM Bazar Veng FC, Lunglei DFA Vs Project FC, Kolasib DFA

(adsbygoogle = window.adsbygoogle || []).push({});

Copyright © inkhel.com 2024. All rights reserved.