Lionel Messi hming a sawi avangin Argentina scientist pakhat a him phah.

Nigeria ram a scientist pakhat Santiago Lopez Menendez chu June ni 4 khan ralthuam keng ten an kidnapp a, mahse hliam na tuar lovin ni thum hnuah an chhuah leh a ni.

Menendez hian hliam na vak tuar lova a chhuah theih na chhan chu Lionel Messi a nih thu sawiin Menendez hi tlanna sum an pek hnuah an chhuah ta a ni.

Santiago Lopez Menendez man tu te hian a tirah chuan Menendez hi American a ni a, a man tu te hian American an huat em avangin a nunna tan thleng pawh a hlauhawm phah hle.

Menendez hian amah man tu te chu American mi ni lovin South American mi a nih thu hrilh a tum nasa a, mahse English an thiamloh avangin a hrilhfiah thiamlo.

A tawp a tawpah chuan ring taka au chungin, "Messi, Messi, Messi" a ti a, amah man tu te hian American mi a nilo tih hrethiam nghal in a lakah tharum pawh an thawh zui ta lo niin a sawi.