11 Jan 2017 08:05

Inkhel

Mizo Sports Website hmasa ber

​Messi-a'n Barcelona a chhuahsan dawn ta?

Barcelona chief chuan Messi-a contract thar tur chu an tlin a rin loh thu a sawichhuak tlat mai le. Argentine superstar hian Catalan club tan a hun zawng zawng a hmang dawn nia kan ngaih laiin contract thar chungchangah an inhmurem thei dawn lo a ni thei angem?

Kum 2018 hian tuna Messi-a contract hi a tawp dawn a, Barca hian contract thar an zawrh leh mek, mahse Messi hian a phut hnem deuh ni tur a ni. Barcelona club executive director chuan Messi-a contract thar tur chungchang chu an tlin a rin loh thu a sawi a ni.

Barcelona executive director Oscar Grau chuan, "Bengsika kan ngaihtuah a ngai dawn a ni. Barcelona hian kan budget pumpui atanga 70 per cent lai hi hlawhah kan hmang thei dawn lo hrim hrim. Chuvang chuan a ngaihna kan zawn vat a ngai dawn a ni.

"Sum tam zawk hai luhna kan zawn vat a ngai dawn a, khawvela player tha ber kawl reng kan duh chuan kan ngaihpawimawh a ngai dawn a ni. Club chhungkua leh fans thlamuang taka awmtir kan duh, mahse thil hi ngun taka kan ngaihtuah erawh a ngai dawn a ni," tiin a sawi.

Kum 17 mi lek niin kum 2004 khan Messi chuan Barcelona-ah a debut game a khel a, vawiinah chuan Ballon d'Or vawi 5 lai a dawng ta hial mai. Competition hrang hrangah Barcelona tan goal 500 a khung tling tep tawh a ni.

Kum 29 mi Messi hian Barcelona chu La Liga title 8 leh Champions League title 4 a lakpui tawh a, ram tan trophy lian la chawi lo mahse Argentina tana goal khung hnem ber a ni mek a, game 116 atangin Messi hian goal 57 a khung tling tawh a ni.

Messi hi Europe Club zingah lalut thei tur an tam lo hle a, Manchester United leh PSG te chu Messi lalut thei tur khawpa hausa nia sawi mek an ni.

Source : The Sun