Messi a ropui ber

13th August 2018, 04:08PM

Barcelona captain thar Lionel Messi chuan nizan khan Catalan club chu Spanish Super Cup a chawi puia, Argentina captain hi Barcelona chanchina trophy chawi hnem ber a ni ta.

Messi hian Andres Iniesta khumin trophy chawi hnem ber nihna a chelh ta a, trophy 33 lai a chawi tawh.

Messi hma hian Iniesta hi Catalan club tana trophy chawi hnem ber niin, tun nipui bazarah Barca chhuahsanin Japanese club Vissel Kobe a pan.

Kum 31 mi Messi hian La Liga title pakua, Champions League title pali, Copa Del Rey paruk leh Spanish Super Cup pariatte a chawi tawh bakah UEFA Super Cup leh FIFA Club World Cup vawi thum ve ve a chaw tawh a ni.

Messi hian kum 2005 khan a debut match a khel a, Ballon d’Or vawi nga lai a dawng tawh a, mi tam takin tunlai mai nilo football chanchina player ropui berah an ngai.

Messi hi Barcelona player awm tawh zinga ropui ber anga ngaih theih a ni a, kum 31 mi a ni a, hniam lam a pan chak lem lo bawka, trophy a la chawi belh zel pawha rinawm hle a ni.

Copyright © inkhel.com 2024. All rights reserved.