​Mendy manah £52m-in Man City leh Monaco an inrem

23rd July 2017, 02:07AM

Benjamin Mendy manah Manchester City leh Monaco te chu £52m in an inrem a, reilote chhungin Mendy hian City-ah medical a nei tawh dawn a ni.

Kum 23 mi France left-back hian nikum nipuiah khan Marseille atangin Monaco a zawm a, Monaco tan game 34 khelin Ligue 1 title a chawi a ni.

City hian Spurs atangin Kyle Walker chu £45m in an lalut fel chiah a, season hnih chhungin tlar hnung thawm that nan City hian £144m an seng tling dawn ta, nikum khan Everton atangin £47.5m in John Stones an la a nih kha.

Manchester City hian tun nipui bazarah player an lei ta nual, Portugal midfielder Bernardo Silva (£43m) leh Brazilian keeper Ederson Moraes (£35m) an lei tawh bawk a, tun nipui bazarah hian player thar lei nan £175m chuang an seng dawn ta a ni.

Copyright © inkhel.com 2024. All rights reserved.