​MCL2017 Day 3 Preview

09th March 2017, 04:03AM

March ni 9, 2017 hian Mapuia Cricket League Day 3 khelh a ni dawn a, Chhinga Veng CC leh Kulikawn CC an inhmachhawn anga, Zarkawt Lords leh Chanmarians CC an inhmachhawn bawk ang.

CHHINGA VENG CC vs KULIKAWN CC

09:30 AM/Live on LPS 10

Mahuma Memorial Cricket Tournament Champion lai Kulikawn CC te hian an match hmasa berah Armed Veng CC an hneh a, an khingpui turte hi an match hmasa bera hnehna an chan loh hnua tho chhuak leh Chhinga Veng CC an ni a, Chhinga Veng CC te hian club hlun Zarkawt Lords an hneh hnuah inrintawkna sang tak nen Kulikawn CC an hmachhawn dawn.

Kulikawn CC te hi an khel tha tluang hle a, eng team tan pawha tum huphurhawm tak an ni reng a. Match hmasa lamah chak mahse Captain Michael Lalremkima a che tha tawk lo a, Chhinga Veng lakah hian rawn comeback a tum khawp ang le. Hei hi 3C tan chuan thu lawmawm loh tak a ni ngei bawk ang.

Chutihrual erawh chuan, Match hmasa bera chesual 3C te an tihsual siamthain Zatkawt Lords an rawn hneh leh thei a, Day 3 a match hmasa zawka inkhel turte hi inkhel hmuhnawm tak a ni chiang dawn a ni.


ZARKAWT LORDS vs CHANMARIANS CC

12:30PM/Live on LPS 10

MCL Champion lai Chanmarians te vawi hnih khel tawhin vawikhat an chak a, vawi khat an tlawm tawh a. Zarkawt Lords te vawikhat khel tawhin Chhinga Veng CC lakah an tlawm thung a ni.

MCL Day 3 inkhelh hnuhnung zawkah Armed Veng CC laka mualpho Chanmarians ten an mualphona hliah khuh nan Zarkawt Lords te hi hneh an tum dawn. An hneh lo a nih vaih chuan vawi hnih an chak lo dawn tihna a ni. Mahuma Memorial Final-a an ngamloh Kulikawn laka an tlawm leh phei chuan beisei an nei tawh lovang.

Hetiang a thlen loh nan Zarkawt Lords te hi an hneh ngei ngei a ngai tlat. Hetih lai hian an inkhelh hmasaa Catch an drop zo zai an siamthata; an Batsmen tam zawk an rawn chet that chuan Zarkawt Lords tan chuan huphurhawm tak an ni dawn chiang a ni.

Zarkawt Lords hian champion tumin sum tam tak an seng, an thawm a rin em avangin an match hmasa berah pawh chak tura rinkai an nih laiin an tlawm tlat mai. An match hnihnaah hian an tlawm leh a nih ngat chuan buaina thuk takah an inbarhlut ngei dawn a ni.

Hetih lai hian an Batting Line Up an siam fuh a; Fielding te an set fuh a nih chuan leh an tlukna ngaia tluk leh an tum lo a nih ngat chuan Zarkawt Lords te hian Chanmarians te hi an hneh thei ang. Batsmen nei ngah team intum tur hi Runs an vuak chhuah hnem a rinawm a, inkhel hmuhnawm tak a ni ang.

Copyright © inkhel.com 2024. All rights reserved.