Cricket Association of Mizoram-in a buatsaih Mapuia Cricket League chu tan a ni leh dawn ta a, February ni 16, 2018 khan Aijal Club-ah fixtures phochhuah a ni.
TOURNAMENT RULES AND REGULATIONS
1.Ball var hman a ni ang. Ball man hi ` 500 a ni ang a, inkhelh tan hmain match referee hnenah pek tur a ni.
2.Inkhel enkawl tur hian Match Refree 1, Umpire 2 leh scorer 1 an awm ang. Inkhelh chungchanga thutawp chu Match referee-in a siam ang.
3.Squad-ah hian Players 15 leh Reserve Player 5 an awm ang. Hemi bakah hian Manager leh Coach an awm ang. Toss hmain Match Referee hnenah Team list thehluh tur a ni a; Team list kan ziah chhuahte hi CAM players affilation-a kan ziah luh ang thlapa (hming pum) ziah thin tur a ni. Player 11 tling lo team-in match an khel thei lo ang.
⦁Team/Club ten Reserve Player hman an duh chuan MCL Commissioner hriatpuinain player an thlak thei ang.
4.Match khelh laia ground-a lut tur ten bib an ha emaw towel an awrh lut ngei tur a ni.
5.Match nei turte reporting time hi inkhelh tan hma minute 15-ah zel a ni ang i.e. 8:45 A.M. & 12:15 P.M. Hemi hun tiama player kim taka in-report hman lo team-te chu an batting over cut sak an ni ang a; minute 4 danah over 1 cut zel tur a ni ang. (Eg. 8:45 - 8:49 inkara thleng kim chauh team-te chu over 1 cut sak an ni ang. 8:49 - 8:53 inkara thleng kim chauh team-te chu over 2 cut sak an ni ang. Chutiang zelin minute 4 dan zelah over cut belh zel tur a ni. Chawhnu match-ah pawh chutiang zelin).
6.Match zawng zawng hi over 20 a khelh tur a ni a; over 1 hi minute 4 zel hisapa vawm zawh tur a ni. 1st inning fielding side lamin hun tiam chhunga an over an vawm zawh hman loh chuan an batting hunah an over cut sak tur a ni a, hun tiam an pelhna minute 4 zelah over khat cut tur a ni. A vawm hnuhnung zawk an nih chuan hun tiam ral chiaha ball la bang zat chu an target defend tur atangin paih tur a ni. Dan theih loh harsatna (ball bo, weather condition, adt.) a awm thei a, chutiang huna over vawm zawh hman loh hremna chungchangah chuan MATCH REFEREE-in thutawp a siam ang.
7.Eng emaw harsatna avanga match khelh dan tihdanglam a tul chuan :
a)Khawchhiat vang emaw thildang vangin inkhelh hun tura ruatah inkhel tan hman loh a nih chuan inkhelh tan hmain over 12 aia tam lo cut theih a ni ang(Over 8 chin a khelh theih chuan match puitlinga pawm theih a ni ang).
b)Inkhelh hun chhung bituk a zawh tawha, team pahnih ten alloted over chanve ve ve tal an vawm tlin tawh chuan khelh tawh chin atangin DL method hmang result siam tur a ni.
c)Inkhelh theih loha harsatna a awm a nih chuan inkhel tur team 2 te hnenah point share tur a ni ang.
d)Ni 1-a match hnih (2) a awmin match timing hetiang hi a ni ang :
1st match: 9:00 – 12:00
2nd Match: 12:30 - 3:30
Eng emaw harsatna avanga tan hun tura ruatah match tan theih a nih loh chuan match timing chhunga khelh zawh hman turin, a tul angin over tihtlem/reduce tur a ni. Match hmasa khel tlai avangin match hnuhnung timing tihdanglam theih a ni lo ang.
8.Match-ahscoretie a awm chuan Super Over hmangin chak zawk zawn tur a ni ang.
9.Power Play :
⦁Over hmasa paruk hi compulsory power play a ni ang.
⦁Power play chhung hian inner circle pawnah fielder pahnih aia tam awm phal a ni lo.
10.Free Hit : No ball hrim hrim-ah free hit a awm ang. Batsman pangngaiin ball a face chhunzawm chuan fielding thlak/change phal a ni lo.
11.Inkhelh chhung zawngin inner Circle chhungah bowler leh keeper bakah fielder 4 tal an awm reng tur a ni.
12.Cricket hi gentlemen game a nih angin mawi taka khelh tur a ni.
13.Club tinin theme song leh flag an nei vek tur a nia, match tan hmain theme song hi play a ni ang a, hetih lai hian player-te chu ground-ah flag nen an in line up tur a ni.
SUPER OVER
1.Super Over chu match pangngai zawh atanga minute 10 hnuah tan tur a ni. Team 2 ten over 1 ve ve an bat thei ang.
2.Match pangngaia bat hnuhnung zawkin an bat hmasa ang.
3.Team tinin batsman 3 an ruat ang a, chungho chauh chuan an bat thei ang. Wicket 2 a tlak chuan an bat theih hun a tawp tihna a ni.
4.Super over 1-ah Team 1 atangin batsman leh bowler a hran theuh ruat tur a ni. Bowler tura ruatin a bat thei lo ang a, batsman tura ruat ten an bowl thei lo bawk ang.
5.Super Over-ah pawh score a la tie cheu chuan :-
a.Match pangngai leh super over-a boundary (4 & 6) vaw tam zawk team chu chak zawka puan an ni ang.
b.A chunga (a) mi ang khi a in zat chuan match pangngaia (Super Over tel lovin) boundary vaw tam zawk zawk chaka puan an ni ang.
c.(a) & (b) a hnua score a la inan cheu chuan Super over last ball atangin a let zawnga chhiarin chak zawk zawn tur a ni.
Eg. 0.5 over –a score sang zawk zawk team chaka puan an ni ang. A inan chhoh zel chuan ball chhiar let (0.4, 0.3…) zel tur a ni a. Illegal deliveries a awm chuan a zawh chiaha legal ball-a run pekah chhiar tel tur a ni (0.3 ball zawh chiahah wide/no ball lo awm ta se, 0.4 –a run score angin chhiar tur a ni).