March ni 4, 2017 (Inrinni) atang hian Suaka Memorial Cricket Ground, Sihhmuiah Mapuia Cricket League 5th Edition tan a ni dawn a, a ni khatniah hian match hnih a awm dawn a, Chanmarians leh Chhinga Veng CC an inhmachhawn anga, match hnuhnung zawkah Kulikawn CC leh Armed Veng CC an inhmachhawn ang. Match zawng zawng hi LPS 1-ah Live telecast a ni dawn a ni.
CHANMARIANS CC vs CHHINGA VENG CC
9:30AM @ Suaka Memorial Cricket Ground
Mapuia Cricket League Champion lai Chanmarians CC leh Chhinga Veng CC te chuan MCL 2017 match hmasaber an khel dawn a,
Chhinga Veng CC hian champion lai Chanmarians CC an hmachhawn dawn. Chanmarians hia club tha tak an ni a, tun season-ah vawi hnih chiah tlawm an la nei. Player Auction-ah pawh khat team thuam that nan Rs 21000/- sengin player 6 lai an lei bawk.
Hetih lai hian Chhinga Veng CC erawh team naupang te an ni a, mahse rin aia an khawng avangin team lian hlauh ruk an ni mek bawk. Chhinga Veng CC hian auction-ah khan Rs 43900/- sengin player 6 an lalut ve bawk a, 3C te hi Chanmarians hneh loh nei lova kal tluang lai hnehtu khan an ni bawk.
Batting line up nei thui tak Chanmarians te hian Captain K. Lalremruata hovin 3C Bowling attack engtiang takin nge an lo hmachhawn dawn? Tih a hriat lohva, an intawn hnuhnung berah Lalchhandama Sailo an ngamloh avangin Chanmarians te an fimkhur a ngai leh hle thung ang.
3C lamah an State pawn player Saidul Alam Fakur Balaskar bawk chu an innghahna a nih leh hmel a, team line up en mai chuan Run siam tamna tur match a nih a beisei awm a, Squad nei chhah ve ve inkhel tur hi a nghahhlelhawm hle a ni.
KULIKAWN CC vs ARMED VENG CC
12:30PM @ Suaka Memorial Cricket Ground
MCL vawi hnih lo chawi tawh leh Mahuma Memorial Cricket Tournament champion lai Kulikawn chuan Armed Veng CC an hmachhawn dawn. Armed Veng CC hi 1st Div Club nilo awmchhun ni chunga MCL khel pha team an ni a, Armed Veng te hian 1st Div-a let leh theihna hun tha an bawhpelh avangin chet sual nawn an tum tawh lo, chuvang chuan MCL Player Auction ah an che na hle.
Armed Veng CC te hian player auction-ah khan Rs 45100/- sengin player 7 ngawt an la a, an player lei zingah Malsawmdinpuia leh Bobby Zothansanga te chu Kulikawn laka chakpuina tham khawpa tha an ni.
Amaherawhchu, Mahuma Memorial Champion lai Kulikawn lam hi an squad a chhah deuh avang nge? Auction-na lamah an inseng nasa vaklo nachungin Player 5 lai an la thova, team phur thar Squad chhah tak nei Armed Veng CC leh 2016-17 a Tournament liana Champion vek tum Kulikawn CC te an Captain leh an State pawn Player Prasanjit Sarkar te hi tawh khirh tak tur an ni ang, inkhel a hmuhnawm khawp ang.